पाइलट र को–पाइलटहरूलाई किन खुवाइन्छ अलग–अलग खाना ?

हवाईजहाज उडाउनको बेला जहिले पनि दुई जना पाइलट हुन्छन् । विमानमा दुई पाइलट राख्नुको सबैभन्दा ठूलो कारण यात्रुको सुरक्षा हो, तर तपाईंलाई थाहा नहुन सक्छ कि विमानका दुई पाइलटलाई सधैँ छुट्टाछुट्टै खाना दिइन्छ । उनीहरूलाई एउटै खाना कहिल्यै दिइँदैन ।

दुवै पाइलटलाई छुट्टाछुट्टै खाना खुवाइन्छ

सन १९८४ मा कन्कोर्ड सुपरसोनिक उडान लन्डनबाट न्युयोर्क जाँदै थियो । यो विमानमा एउटा अचम्मको घटना घट्यो । यो उडानमा जम्मा १२० यात्रु सवार थिए । सबै यात्रु र चालक दलका सदस्यहरूलाई एउटै खाना दिइयो । तर, त्यो खानामा केही गडबड थियो । जसबाट सबैलाई फुड पोइजनिङको सिकार भएका थिए । त्यसपछि, सबैलाई बान्ता, ज्वरो र झाडापखाला लागेको थियो । विषाक्त खानाका कारण एक यात्रुको पनि मृत्यु भएको छ ।

यो उडानमा दुवै पाइलटले निकै समसयाको सामना गर्नुपरेको थियो । अहिले यस्ता घटनाबाट बच्नको लागि निकै सतर्कता अपनाउन थालिएको छ । त्यसैले, एउटै उडानका पाइलट र को–पाइलटलाई एउटै खाना नदिई दुवैलाई फरक फरक खाना खुवाइन्छ ।

यदि, फुड पोइजनिङको सम्भावना देखिए पनि दुवैमा कम्तीमा एक जना पाइलट सुरक्षित भएर यात्रुलाई सकुशल लैजान सकोस भनेर फरक फरक खाना खुवाइन्छ । सी एनएनले एक कोरियाली पाइलटको अन्तर्वाता लिए । जसमा पाइलटले फुड पाइजनिङबाट बच्नका लागि पाइलटलाई छुट्टाटट्टै खाना खुवाउने गरेको बताएका थिए ।

यो पनि…
यी दुई धनाढ्य, जसले किनिदिए पूरै देश
समुद्री लुटेराले किन बाँध्छन एक आँखामा पट्टि ?