English

‘आत्मबल नै कोरोनाको अचूक औषधि रहेछ’



नेपालमा कोरोना संक्रमणको दर तीव्र गतिमा बढेको छ । सामान्य नागरिकदेखि चर्चित व्यक्तिसम्मलाई कोरोनाले छोडेको छैन । त्यसो त नेपाली कलाकारिता क्षेत्रमा पनि थुप्रै व्यक्तिहरु कोरोना संक्रमित बने । तिनैमध्येका एक हुन्– गायक प्रकाश सपुत । सपुतले कोरोना जितिसकेका छन् । यही सन्दर्भमा रहेर सपुतसँग मेरो लाइफस्टाइलले गरेको कुराकानी :

तपाईंलाई कोरोना कहिले पुष्टि भयो ?

मेरो नयाँ गित ‘मेरो पनि हैन र’ को सम्पादनको काम चलिरहेको बेला एकदमै शरीर दुख्ने, छटपटी हुने, चिटचिट हुने समस्या देखियो । एक दुई दिनसम्म पनि कम नभएपछि मलाई कोरोनाका शंका लाग्यो । कोरोना परीक्षण गर्दा रिपोर्ट पोजेटिभ आयो ।

लक्षणहरु के–के देखिए ?

पोजिटिभ देखिएपछिको चार दिन मलाई निकै सकस भयो । ज्वरो आएन, खोकी लागेन तर, शरीर निकै दुख्यो । छटपटी हुने, राती निन्द्रा नलाग्ने जस्ता लक्षणहरु देखिएको थियो । आत्मबल एकदम कमजोर भएको थियो । आत्मबल बलियो बनाउनु पर्छ भन्ने थाहा हुँदा हुँदै पनि मनमा एक प्रकारको डर पैदा भएको थियो ।

आइसोलेसनमा बस्दा के गरेर समय बिताउनु भयो ?

अरु बेलापनि त्यती धेरै घुम्ने, साथीभाईहरुसँग रमाउने स्वभाव मेरो छैन । काम बाहेक अरु समय म प्रायः एक्लै समय बिताइरहेको हुन्थे । पुस्तक पढेर, चलचित्रहरु हेरेर अन्य खोज मूलक कुराहरु हेरेर समय बिताउँथे । आइसोलेसनमा बस्दा पनि मैले यसरी नै समय बिताए । किताब पढिनँ तर फिल्म, सिरिजहरु चाहिँ हेरें ।

कुनै डाक्टरको सल्लाह लिनु भयो कि भएन ?

मैले कुनैपनि डाक्टरको सल्लाह लिइनँ । होम आइसोलेसनमै बसें, योगा व्यायामहरु गरेर आत्मबल एकदमै बलियो बनाएर बसें । आफ्नो ख्याल आफैं राखें प्रसस्त मात्रामा पानी पिएँ, मन नलागे पनि खाना खाएर आपूmलाई कमजोर हुन दिइनँ ।

कुन–कुन औषधिको सेवन गर्नुभयो ?

होम आइसोलसनमा बस्दा मैले औषधीहरुको सेवन पनि गरिन । दुरी कायम गर्थे, बिहान उठेर व्यायाम गर्थे । स्वाद नआए पनि प्रसस्त मात्रामा खाना र झोलिलो पदार्थहरुको सेवन गर्थें । आत्मबल बलियो र मलाई माया गर्ने शुभचिन्तकहरुको शुभेच्छाले नै औषधिको काम ग¥यो ।

मानसिक तनाव कत्तिको हुँदो रहेछ ?

मनमा अनेक किसिमको सोच आइरहने । आँत कमजोर हुने । एन्जाइटीजस्तो डर लाग्ने, म त मर्छुजस्तो लाग्ने जस्ता सोचहरु आउँथे । यो कोरोनालाई म सहजै जित्छु भने पनि मानसिक रुपमा यसले कमजोर भने बनाउने रहेछ । अत्मबल बलियो बनाउँदा बनाउँदै पनि एकप्रकारको मानसिक तनाव भएको थियो ।

डर कतिको लागेको थियो ?

मेरो परिवारमा चार जनालाई कोरोना संक्रमण भएको थियो बाबा, ममी भाई र म । अरुलाई त त्यस्तो गाह्रो भएन तर, ममीलाई धेरै गाह्रो भएको थियो । यहाँलाई अक्सिजन नै दिएर राख्नु परेको थियो । आफुलाई भन्दा पनि आमालाई गाह्रो हुँदा निकै पीडा र डर पैदा लागेको थियो ।

परिवारसँग छुटिएर बस्नु पर्दा कस्तो महसुस हुँदो रहेछ ?

सबै भन्दा पीडा परीवारसँग छुटिएर बस्नु पर्दा भएको थियो । ५ वर्षकी सानी छोरीले मलाई भेट्न खोज्दा नआउ भन्थें । परिवारले पनि बाबालाई भेट्न हुँदैन भन्दा नराम्रो लाग्थ्यो । छोरीले बाबालाई किन भेट्न हुन्न ? के भएको छ बाबालाई भन्ने प्रश्नले मन भकानिन्थ्यो ।

तपाई संक्रमित भएकै बेला ‘मेरो पनि हैन र’ गीत ट्रेन्डिङमा थियो कस्तो अनुभूति भयो ?

भर्खर गीत रिलिज भएको थियो । सकारात्मक प्रतिक्रिया आइरहेका थिए । बिरामी अवस्थामा त्यस्ता प्रतिक्रियाले अलिकति भएपनि औषधिको काम गर्ने रहेछ । मानसिक रुपमा म अलि–अलि त्यतातिर पनि बाँधिए । त्यसले गर्दा पनि म चाँडै कोरोनामुक्त भएँ कि भन्ने पनि लाग्छ ।

कोरोनालाई जित्न के–के गर्नुभयो ?

मेरो अनुभूतिमा कोरोनाले निकै गलाउँछ तर मानसिक रुपमा आफूलाई बलियो राख्न सकियो भने जितेरै छाडिन्छ । ४ रात सुत्नै सकिनँ, निकै गाह्रो भयो । खासगरी मन भूलाउन सक्नुपर्ने रहेछ । म कोरोना संक्रमित हुँ, बिरामी छु भन्ने सोचबाट आफूलाई पर लाने प्रयत्न गर्नुपर्ने रहेछ । पाँचौं दिनबाट अलि सन्चो भएको महसुस गरेँ । लाग्यो, अब मैले कोरोना जितेँ । ६ दिनपछि टेस्ट गराउँदा परिणाम पनि नेगेटिभ नै आयो । यो बेलामा मैले कोरोनालाई परास्त गर्न पहिलो कुरा त सकारात्मक सोचें, व्यायाम गरें, पर्याप्त पानी पिएँ, प्रशस्त झोलिलो कुरा खाएँ ।

यो पनि पढ्नुहोस्
चलचित्र प्राविधिकहरुको एउटै स्वर : ‘दैनिकी चलाउनै गाह्रो भो’
डा. भोला रिजालको नजरमा पढ्नै पर्ने ५ पुस्तक
‘अब पनि हेलचेक्रयाइँ गरे अर्को महामारीले सताउँछ’
संक्रमित वा संक्रमणमुक्त भएकाले कोरोना खोप कहिले लगाउने ?
मुटुका बिरामी घरमै कसरी सुरक्षित रहने ?
आत्मानुशासन नै कोरोनाको औषधि



Leave a Reply

Your email address will not be published. Required fields are marked *

सम्बन्धित खबरहरु

नेपालको अन्नपूर्ण संरक्षण क्षेत्रमा नयाँ प्रजातिको चरा भेटिएको छ । नयाँ प्रजातिको चरा ‘फुस्रो सारौं’ नाममा अभिलेख गरिएको छ ।

वायु प्रदूषण रोक्न विकसित मुलुकहरूले सवारी साधन, कलकारखाना, उद्योगलगायत विभिन्न क्षेत्रमा विशेष मापदण्डहरू तोकी एक्युआई अर्थात् एयर क्वालिटी इन्डेक्समा उत्तम

‘तपाई जति प्रकृति नजिक पुग्नु हुन्छ, प्रकृति त्यति नै तपाई नजिक आइपुग्छ’, यो भनाई हङकङका नेपाली व्यवसायी राज गुरुङलाई ठ्याक्कै

एक साँझ हामी सूर्यास्त अवलोकन गर्न हेग शहरको अत्याधिक प्रसिद्ध समुन्द्रतट स्केभनिनगन गएका थियौँ । हाम्रो टोलीमा इटाली, फ्रान्स, नर्वे,