English

डा. भोला रिजालको नजरमा पढ्नै पर्ने ५ पुस्तक



स्त्री तथा प्रसूति रोग विशेषज्ञ डा. भोला रिजाल एक पुस्तक प्रेमी व्यक्ति हुन् । उनले धेरै उत्कृष्ट पुस्तकहरु अध्ययन गरिसकेका छन् । कोरोना संक्रमणको दोस्रो लहरले गर्दा यतिबेला निषेधाज्ञा छ । सबै मानिसहरु घरभित्रै छन् । यस्तो बेलामा पुस्तक पढेर पनि समय कटाउन सकिन्छ । अब कस्तो किताब पढ्ने भन्ने दुबिधामा हुनुहुन्छ भने डा. रिजालको सिफारिस यस्ता छन् :

तरुण तपसी

तरुण तपसी लेखनाथ पौड्यालको एउटा उत्कृष्ट रचना हो । उहाँको कलम सैद्धान्तिक र व्यवहारीक दुवै किसिमको क्षेत्रमा चलेको छ । उनको रचनाहरु एकदमै सरल भाषामा लेखिएको हुन्छ । यो पुस्तकले समाजमा एक किसिमको ज्ञान फैलाएको छ । त्यसैले यो पुस्तक मलाई असाध्यै मन पर्छ ।

मुनामदन

महाकवि लक्ष्मीप्रसाद देवकोटाको लोकप्रिय पुस्तक मुनामदनको सरल भाषाले गर्दा यो पुस्तक सबै उमेरसमुहको प्रिय बनेको छ । महाकवि देवकोटाले यस पुस्तकमा प्रयोग गर्नुभएको भाषा शैली विषयवस्तु अहिले पनि हाम्रो समाजसँग मिलिरहेको छ । त्यसैले यो पुस्तक पनि मलाई प्रिय लाग्छ ।


चिना हराएको मान्छे

हरिवंश आचार्यको चिना हराएको मान्छे पनि एक उत्कृष्ट पुस्तक हो । यसमा हरिवंश आचार्यको जीवनको उतारचढावका विषयमा चर्चा गरिएको छ । यस्ता बहुआयामिक व्यक्तित्वहरुको जीवन कस्तो छ ? अभिनय गरेर अरुलाई पेट मिची मिची हँसाउने र धरधरी रुवाउन पनि सक्ने यी महान् कलाकार आफ्नो वास्तविक जीवनमा कति हाँसेका छन् र कति रोएका छन् जस्ता अनेक प्रसङ्गहरुको बेलिबिस्तार चिना हराएको मान्छेमा समावेस छ ।


महको म

हरिवंश आचार्यद्धारा लिखित चिना हराएको मान्छे पढिसकेपछि मदनकृष्ण श्रेष्ठको महको म पढ्न छुटाउने त कुरै भएन । यस किताबले जीवनमा आइपर्ने उतार चढावहरुसँग कसरी लड्ने भन्ने कुरा सिकाउँछ । यस पुस्तकले जीवन जीउने कला सिकाउँछ त्यसैले यो पुस्तक पनि उत्कृष्ट पुस्तकहरुको सुचिमा पर्छ ।

रामायण


आदिकवि भानुभक्त आर्चायले नेपाली भाषामा लेख्नुभएको रामायण कथा पनि पढ्नै पर्ने पुस्तक भित्र पर्छ । उनले नेपाली भाषामा लेखेको रामायणले नेपाली भाषालाई एउटा उचाइमा पु¥याएको छ । रामायणमा भएको कथा पनि आफैमा उत्कृष्ट भएकोले यो किताब सबैले एक पटक पढ्नै पर्छ ।



Leave a Reply

Your email address will not be published. Required fields are marked *

सम्बन्धित खबरहरु

नेपालको अन्नपूर्ण संरक्षण क्षेत्रमा नयाँ प्रजातिको चरा भेटिएको छ । नयाँ प्रजातिको चरा ‘फुस्रो सारौं’ नाममा अभिलेख गरिएको छ ।

वायु प्रदूषण रोक्न विकसित मुलुकहरूले सवारी साधन, कलकारखाना, उद्योगलगायत विभिन्न क्षेत्रमा विशेष मापदण्डहरू तोकी एक्युआई अर्थात् एयर क्वालिटी इन्डेक्समा उत्तम

‘तपाई जति प्रकृति नजिक पुग्नु हुन्छ, प्रकृति त्यति नै तपाई नजिक आइपुग्छ’, यो भनाई हङकङका नेपाली व्यवसायी राज गुरुङलाई ठ्याक्कै

एक साँझ हामी सूर्यास्त अवलोकन गर्न हेग शहरको अत्याधिक प्रसिद्ध समुन्द्रतट स्केभनिनगन गएका थियौँ । हाम्रो टोलीमा इटाली, फ्रान्स, नर्वे,