मुटुका बिरामी घरमै कसरी सुरक्षित रहने ?
डा. अनिल भट्टराई, मुटु रोग विशेषज्ञ
नेपालमा मुटुका बिरामी थुप्रै छन् । यतिबेला कोरोना महामारीका कारण उनीहरुले नियमित चेकजाँच गर्न पाइरहेका छैनन् । यस्तो बेलामा मुटुरोगीले आफूलाई कसरी केयर गर्न सक्छन् भन्ने बारे मुटु रोग विशेषज्ञ डा. अनिल भट्टराईको सुझाव यस्तो छ :
– नियमित शारीरिक व्यायाम गर्ने
– घरको वरिपरि बिहान १ घण्टा हिँडडुल गर्ने ।
– नियमित औषधि खाने ।
– खानपिनमा ध्यान दिने । चिल्लो, पिरो, नुनिलो र बोसोजन्य कुरा नखाने ।
– आलु, भात जस्ता कार्बोहाइड्रेड हुने खानेकुरा कम खाएर शरीरको क्यालोरी घटाउने ।
– चिन्ता नलिने ।
– आत्मबल बढाउने
– मुटुको शल्यक्रिया गरेका बिरामीले महिना–महिनामा औषधि के–कस्तो छ जोहो गरी राख्ने ।
– खानपिनमा उत्तार चढाब नगर्ने ।
– रगत पतलो औषधि सेवन गर्ने बिरामीले अमिलो र रातो मासु कम खाने
– शरीरमा नीलो डाम आयो, नाक र मुखबाट रगत बगेमा दुईतीन दिन रगत पातलो गर्ने औषधि (वारफेरिन) नखाने ।
