चिनीले यसरी ल्याउँछ अनुहारमा निखारता
के तपाईंले कहिल्यै सुन्दरताका लागि चिनीको प्रयोग गर्नुभएको छ ? यदि, छालामा दाग छ भने यसलाई हटाउन चिनीको प्रयोग उत्तम उपाय हो । अनुहारमा चिनीको प्रयोग कसरी गर्ने त जानौँ ।
१. चिनी र दही मिसाएर पेस्ट बनाउनुहोस् र अनुहारमा लगाउनुहोस् । लगाएको १५ मिनेटसम्म यत्तिकै छाडी हल्का मसाज गर्नुहोस् । यसो गर्नाले प्वालमा लुकेर रहेको फोहोर बाहिर निस्कन्छ । पेस्ट लगाएको १५ मिनेटपछि पानीले अनुहार सफा गर्नुहोस् । यसले छालामा चमक ल्याउँछ ।
२. कागतीको रसमा चिनी मिसाएर पनि अनुहारमा लगाउन सकिन्छ । कागतीले अनुहारको छाला सफा गर्छ । चिनीमा एक चम्चा दही, आधा चम्चा कागतीको रस मिसाई अनुहारमा लगाउनुहोस् र मालिस गर्नुहोस । केही समयपछि पानीले धुनुहोस् । यो पेस्टको निरन्तर प्रयोगले अनुहारमा रहेका दाग हट्छ र केही समयपछि चमक पनि आउँछ ।
३. चिनीको स्क्रबले अनुहारमा रहेका मृत कोशिकालाई हटाउँछ र छाला चम्किलो बनाउँछ । यसका लागि चिनीमा आधा चम्चा कागतीको रस र जैतुनको तेल राख्नुहोस् । अनुहारमा लगाई दुई मिनेटसम्म मालिस गरेर अनुहार सफा गर्न सक्नुहुन्छ ।
४. अनुहारमा दाग छ भने एक चम्चा मोटो दाना भएको चिनीमा थोरै बदामको तेल, मह, कफी मिसाएर पेस्ट बनाउनुहोस् । अनुहारमा लगाएको १० मिनेटसम्म यत्तिकै छाडेर धुनुहोस् ।
यो पनि…
ग्ल्यामर्स देखिन अपनाउनुहोस् यस्ता फेसन टिप्स
युवतीका लागि यी हुन् उत्कृष्ट फेसन टिप्स
