छालाको सुन्दरताका लागि बहुगुणी चुकन्दर

चुकन्दरको सेवनले स्वास्थ्यमा फाइदा पुग्नुका साथै धेरै रोगहरूबाट पनि टाढा राख्छ । चुकन्दरको फेसप्याकले अनुहारको छालालाई गोरो मात्र नबनाई अन्य धेरै फाइदाहरू पनि गर्छ ।

चुकन्दरबाट बनाइएको फेसप्याकका फाइदाहरू

अनुहारमा गुलाबीपन ल्याउन

चुकन्दरको फेसप्याकले छालामा रहेको दाग र धब्बालाई हटाई छालाको रंगमा पनि सुधार हुन्छ । यसको नियमित प्रयोगले छालामा गुलाबीपन ल्याउँछ ।

पिम्पल हटाउन

यसमा भिटामिन ‘सी’ पाइन्छ, जसले छालाका लागि एन्टी–इन्फ्लेमेटरी गुणको रूपमा काम गर्छ । यसको फेसप्याक बनाएर लगाउँदा पिम्पलको समस्या हट्छ ।

यसरी बनाउन सकिन्छ चुकन्दरको फेसप्याक

आवश्यक सामग्री

– एउटा चुकन्दरको पेस्ट
– एक चम्चा चनाको धुलो
– एक चम्चा दही वा बटरमिल्क
– आधा चम्चा कागतीकोे रस

बनाउने तरिका

सबैभन्दा पहिले चुकन्दरको बोक्रालाई पिस्नुहोस् । माथिका सबै सामग्रीहरूलाई एउटा सानो भाँडामा राखेर राम्ररी मिश्रण गरी केही समय यत्तिकै छाड्नुहोस् ।
केही समयपछि आफ्नो अनुहारमा लगाउनुहोस् र फेसप्याक सुकेपछि मनतातो पानीले धुनुहोस् ।
यसरी नियमित लगाएमा केही हप्तामै अनुहारमा चमक आउन थाल्छ ।

यो पनि…
ग्ल्यामर्स देखिन अपनाउनुहोस् यस्ता फेसन टिप्स
युवतीका लागि यी हुन् उत्कृष्ट फेसन टिप्स