चालिस पैसाका लागि यी व्यक्तिले हाले रेस्टुरेन्ट विरुद्ध मुद्दा
कतै रेस्टुरेन्टमा गएर खाना त खानु भएको होला । खाना खाएपछि विल अवश्य नै प्राप्त गर्नु भएको होला । तर कहिलेकाहीँ रेस्टुरेन्टले ग्राहकहरूबाट बढी पैसा लिएका पनि हुन्छन् । त्यस्तै कर्नाटकको राजधानी बेंगलुरुबाट एउटा अनौठो घटना बाहिर आएको छ । जहाँ एक व्यक्तिले रेस्टुरेन्ट विरुद्ध ४० पैसाका लागि अदालतमा मुद्दा हालेका छन् ।
मे २०२१ मा मुर्ति नामक व्यक्तिले बैंगलोरको एक होटेल अम्पायरबाट खाना अर्डर गरेका थिए । मुर्तिले २ सय ६५ रुपैयाँमा खाना लिए । तर बिलमा २ सय ६४ रुपैयाँ ६० पैसा लेखिएको थियो । उनले कर्मचारीलाई ४० पैसा फिर्ता दिन वा २ सय ६४ रुपैयाँ लिन भने तर कर्मचारीले मानेनन् । अन्ततः यस विषयमा मुर्ति अदालत पुगे ।
मुर्तिले रेस्टुरेन्ट विस्द्ध अदालतमा मुद्दा दायर गदै एक करोड रुपैयाँ क्षतिपूर्ति माग गरेका थिए । आजकल राउन्ड फिगरमानै सम्पूर्ण हिसाबकिताब चलिरहेको छ जहाँ ५० पैसा कम बिल आएमा १ रुपैयाँ कम र ५० पैसा बढी आएमा १ रुपैयाँ बढी तिर्नुपर्छ ।
मुर्तिलाई उल्टो दिनु पर्यो
यो मुद्दा अदालतमा ८ महिनासम्म सुनुवाइ चलेको थियो । त्यसपछि मुर्तिलाई अदालतको समय खेर फालेको भन्दै उल्टै जरिवाना लगाइयो । अदालतले रेस्टुरेन्टलाई २ हजार र अदालतलाई २ हजार जरिवाना तिर्न मुर्तिलाई आदेश दियो । साथै यो जरिवाना तिर्नको लागि ३० दिनको अल्टिमेटम दिइएको थियो ।
यो पनि…
कमिलामा हुन्छन् यस्ता अचम्मका गुणहरू
यी दुई धनाढ्य, जसले किनिदिए पूरै देश
