अनौठो : स्पर्म डोनरलाई यो कम्पनीले ८९ हजार रुपैयाँ दिने

वर्ष २०१२ मा आएको बलिउड फिल्म विक्की डोनर त तपाईहरु सबैले हेर्नुभएको नै होला । फिल्ममा आयुष्मान खुराना स्पर्म (वीर्य) डोनेट गरेर सन्तान प्राप्तीका लागि तड्पिरहेका दम्पतीहरुको जीवनमा खुशीयाली ल्याइदिने काम गरेका हुन्छन् ।

यस्तै एक घटना चीनमा अहिले देखिएको छ । त्यहाँ राम्रो स्पर्म डोनरको माग बढिरहेको छ । त्यहाँको एक स्पर्म डोनर बैंकले सोसल मिडियाको माध्यमबाट मानिसलाई स्वयं अघि आएर स्पर्म डोनेट गर्न अपिल गरेको छ ।

त्यति मात्रै होइन, यदि राम्रो स्पर्म छ भने त्यसलाई राम्रो पैसा दिने गरिन्छ । चीनको झेनियांग ह्यूमन स्पर्म बैंक गत केही महिना यता मानिससँग स्पर्म डोनेट गर्ने अपिल गरिरहेको छ ।

बैंकले तपाईको सहयोग भविष्यका लागि धेरै सहयोगी साबित हुने बताएको छ । झेजियांग ह्यूमन स्पर्म बैंकले ययो भन्दा पहिला पनि एक पोस्टमा स्पर्म डोनेट रक्तदान जस्तै भएको बताएको थियो ।

बैंकले राम्रो क्वालिटीको स्पर्म खोज्नेलाई ५ हजार यूआन रुपैयाँ दिने बताएको छ । स्पर्म डोनेट गर्ने व्यक्तिको उमेर २० देखि ४० वर्षको बीचको हुनुपर्छ । यसका साथै व्यक्तिको लम्बाई १.६५ मीटर (५.४ फीट) र पढाई मा पोस्ट सेकेण्डरी डिग्री पनि जरुरी छ ।