पाकिस्तानमा अनौठो चिडियाखाना
संसारमा यस्ता अनौठो कुराहरू छन् जसलाई पत्याउन निकै गाह्रो हुन्छ । त्यसैगरी, केही मानिस यस्ता छन्, जसको शरीरको संरचना अचम्मको हुन्छ । उनीहरूमध्ये कोही जन्मेदेखि नै अनौठो देखिन्छन् भने कोही मानिसलाई मनोरञ्जन दिनको लागि आफ्नो शरीरलाई अनौठो तरिकाले बनाउँछन् ।
मुमताज महल चिडियाखाना पाकिस्तानको कराँचीमा अवस्थित छ । यो चिडियाखानामा आधा मानिस र आधा स्यालको शरीर भएका अद्वितीय व्यक्ति बस्छन् । यहाँ हरेक दिन सयौँ मानिसहरू यी अनौठा व्यक्तिलाई हेर्न आउँछन् ।
उनी जन्मेदेखि नै यस्तो भएका भने होइनन् यस्तो हुनुको पछाडि निकै रोचक कारण छ । वास्तवमा उनि आधा स्याल र आधा मानिसको नामले संसारभर प्रसिद्ध छन् । र उनको नाम मुराद अलि हो ।
मुराद अलिले आफूलाई भेट्न आउनेहरूलाई आफ्नो भाग्यको बारेमा पनि बताउँछन् । जो मानिसहरू उनलाई भेट्न आउँछन्, उनीहरूलाई लाग्छ उनी साँच्चिकै आधा स्याल आधा मानिस हुन् । तर, यो सत्य भने होइन, यो त मनोरञ्जनका लागि सिर्जना गरिएको चरित्र मात्र हो ।
मुराद अलि यस्तो काम गर्ने उनी आफ्नो परिवारको दोस्रो पुस्ता हुन् । यसअघि, मुराद अलिका बुबा यस चिडियाखानामा आधा स्याल र आधा मानिस बनेर बस्थे । उनको मुत्युपछि अहिले मुराद अलिले यो कामलाई अगाडि बढाइरहेका छन् । मुराद एउटै ठाउँमा १२ घण्टासम्म एउटै पोजमा बस्थे । उनको टाउको स्यालको नजिक राखेर बाँकी शरीर टेबुलमुनि लुकाइएको छ । यस चिडियाखानामा आधा स्याल र आधा मानिस हेर्नका लागि १० रुपैयाँको टिकट पनि तोकिएको छ ।
यो पनि…
डेढ लाख फूलहरूबाट तयार हुन्छ केशर
वैज्ञानिकले पत्ता लगाए यस्तो रहस्य
