बाँदरका कारण घन्टौँ ट्राफिक जाम
थाइल्यान्डमा १ सयभन्दा बढी बाँदरका दुई गुटबीच लडाइँको एक भिडियो बाहिर आएको छ ।
भिडियोमा बाँदरहरूको ठूलो झुन्ड सडकमा एकआपसमा लडिरहेको देख्न सकिन्छ । यसबीच, सडकमा यात्रा गरिरहेका मानिस घन्टौँ जहाँको त्यहीँ रोकिएका थिए ।
यस ‘ग्याङ फाइट’ का दौरान बाँदरहरूको आवाज यति ठूलो थियो कि मानिसहरू डराएर गाडीभित्र नै लुकेर बसेका थिए । यो घटना थाइल्यान्डको चर्चित पर्यटकीय क्षेत्र लोपबुरीको रहेको बताइएको छ । यो सहर बुद्धको प्राचीन मन्दिरहरूका लागि चर्चित रहेको छ ।
भिडियो रेकर्ड गर्ने एक व्यक्तिका अनुसार यो घटना लोपबुरीको फ्रा कान मन्दिर र प्राङ्ग स्याम यटको छेउछाउको हो । उनी आफ्नो घरको तेस्रो तल्लामा सरसफाइ गरिरहँदा बाँदरहरू कराएको आवाज सुनेका थिए ।
जब उनले बाहिर हरे, त्यहाँ १ सयभन्दा बढी बाँदरहरूको दुई गुट सडकमा एकआपसमा भिडिरहेका थिए । यो भिडन्त करिब १ घण्टासम्म चलेको थियो ।
यसका कारण घन्टौँ ट्राफिक जाम भएको थियो । यसअघि, सन् २०२० को मार्चमा पनि यस्तै घटना देखिएको थियो ।
यो पनि…
डेढ लाख फूलहरूबाट तयार हुन्छ केशर
वैज्ञानिकले पत्ता लगाए यस्तो रहस्य
