अचानक घरका धाराबाट आयो रेड वाइन
इटालीको मेनास्थित सेटेक्यानी गाउँका बासिन्दा आफ्ना घरका धाराबाट अचानक रेड वाइन आउन थालेपछि छक्क परेका छन् ।
वास्तवमा केही थोरै घर रहेको यस गाउँ नजिकको ‘क्यान्टिना सेटेक्यानी क्याटेलभेट्रो वाइन’ उत्पादनका क्रममा कारखानामा भएको प्राविधिक त्रुटिका कारण यो घटना घटेको हो ।
त्यहाँको बोटलिङ लाइन बिग्रिँदा धाराबाट वाइन बग्न थालेको हो । यस घटनालाई लिएर क्षमा माग्दै वाइन कम्पनीले आफ्नो सबुकमा यस्तो लेखेको छ– ‘यो समस्या छोटो समयमै समाधान भयो । यसले जनस्वास्थ्यमा कुनै नराम्रो असर पर्ने छैन । बोटलिङ गर्न तयारी अवस्थामा रहेको वाइन मात्र खानेपानीको पाइपमा जोडिन पुग्दा यस्तो भएको हो । कम्पनीको लाम्ब्रुसको ग्रास्पारोस्सा बोटलिङ लाइनमा गडबडी भएको हो ।’
इटालीको एक न्युज साइटमा ला कोर्रिएरेले बनाएको उक्त भाइरल भिडियोमा धाराबाट वाइन आइरहेको र सिंक पूरै वाइनले भरिएको देखिन्छ ।
यस घटनालाई लिएर निकै रमाएकामध्ये एकजना स्थानीय बासिन्दाले ‘अर्काेपटक साँझ साढे सात बजे मात्र वाइन पठाउनुहोला’ भन्दै ठट्टा गरेका थिए ।
यो पनि…
डेढ लाख फूलहरूबाट तयार हुन्छ केशर
वैज्ञानिकले पत्ता लगाए यस्तो रहस्य
