यस्ता छन् तुलसीका वास्तु तथा वैज्ञानिक तथ्य

हिन्दू धर्ममा तुलसीको बिरुवालाई विशेष स्थान दिइन्छ । विष्णु भगवान्को स्वरूप मानिएको तुलसीलाई घरमा रोपेर पूजा गर्नाले सुख, शान्ति र समृद्धि कायम रहन्छ भन्ने मान्यता छ र यो सत्य पनि हो । तुलसीको बोट रोप्नाले घरमा सकरात्मकता आउनुका साथै वास्तुदोष पनि हट्छ ।

सकारात्मक ऊर्जाको लागि

घरमा तुलसी रोप्दा सकारात्मक ऊर्जा प्राप्त हुन्छ । यस्तो अवस्थामा घर–परिवारका सदस्यहरूबीच प्रेम पनि बढ्छ ।

शुभ कार्यको लागि

कुनै शुभ कार्य गर्नुअघि तुलसीको पात मुखमा राख्नले बिना कुनै अवरोध सोचेको काम पूरा हुन्छ ।

अक्सिजनका लागि

तुलसीले बढी मात्रामा अक्सिजन प्रवाह गर्दछ । हावामा रहेका अन्य दूषित हावालाई समेत यसले शुद्ध बनाउँछ । वैज्ञानिक तथ्यअनुसार विभिन्न ठूला रोगहरूको औषधीय गुणहरूसमेत यसमा रहेको हुन्छ ।

खराब नजरबाट जोगाउन

घरमा तुलसीको बिरुवा राख्नले घर–परिवारलाई नराम्रो नजरबाट टाढा राख्ने जनविश्वास रहेको छ । यसलाई सधै घरको उत्तर–पूर्व दिशामा राख्नुपर्छ । यसो गर्दा तुलसीले घरमा सुख शान्ति ल्याउँछ ।

यी कुरामा सधैं ध्यान राख्नुहोस्

– तुलसीको बिरुवा कहिल्यै सुक्नु हुँदैन । यदि, सुक्यो भने पवित्र नदिमा फाल्नुहोस् । साथै घरमा अर्काे विरुवा रोप्नुहोस् ।
– हरेक साँझ तुलसीको अगाडि घ्यूको दियो बाल्नुहोस् ।
– आइतबारको दिन तुलसीको बोटमा पानी चढाउनुहोस् र हातले भने नछुनुहोस् ।

यो पनि…
घरलाई यसरी सजाउँदा देखिन्छ सबैभन्दा आकर्षक
बाथरूमकाे सरसफाइले देखाउँछ घरको सुन्दरता