घरलाई यसरी सजाउँदा देखिन्छ सबैभन्दा आकर्षक
घरको स्वरूप र कोठाको आकार हेरेर हामीले घरमा प्रयोग हुने फर्निचर तथा अन्य सामग्रीको छनोट गर्नुपर्ने हुन्छ । यदि, सानो कोठा छ भने फर्निचर रेडिमेट खरिद गर्नुभन्दा कोठाको आकार नापेर बनाउन दिँदा उपयुक्त हुन्छ ।
बैठक कोठा
बैठक कोठा जहिले पनि अरुकोठा भन्दा ठूलो बनाउनुपर्छ र सकेसम्म उज्यालो कोठालाई लिभिङ रुम बनाउनुपर्छ । बैठक कोठाको चारै कुनामा विभिन्न फूल र गमलाले सजावट गर्नुपर्छ । सथै भित्ताको आकार अनुसारको टेलिभिजन राख्नुपर्छ ।
बेडसिट
चम्किलो रंगको प्रशंसक हुनुहुन्छ भने रंगीन बेडसिट छान्नुहोस् । तपाईंलाई हल्का रंग मनपर्छ भने तपाईं गुलाबी, निलो, हरियो र खैरो रंगको बेडसिटहरू छनोट गर्नुहोस् । यसले कोठालाई शीतलतासँगै आराम दिनेछ ।
बेडरुम
बेडरुम घरको दक्षिण पश्चिम कुनामा राख्नुपर्दछ । यसमा लगाउने रङ बैजनी रङ, हल्का रातो, हरियो रङ राम्रो मानिन्छ । नव विवाहितका लागि हरियो र रातो मिश्रित रङ अझ राम्रो मानिन्छ । विद्यार्थीका लागि भने सेतो र हल्का बैजनी रङ राम्रो मानिन्छ ।
फर्निचर
बजारमा पाइने रेडिमेट सामग्रीभन्दा घर र कोठाको आकार हेरेर खरिद गर्नुपर्दछ । योभन्दा राम्रो आफैंले फर्निचर बनाउन दिँदा राम्रो हुन्छ ।
यो पनि…
इन्टेरियर डेकोरेसनले घरलाई सुन्दर बनाउनुहोस
बाथरूमकाे सरसफाइले देखाउँछ घरको सुन्दरता
