कलाकार जयनन्द लामाको अन्तिम श्रद्धाञ्जली राष्ट्रिय नाचघरमा
वरिष्ठ कलाकार जयनन्द लामाको अन्तिम श्रद्धाञ्जलीका लागि उनको पार्थिव शरीरलाई जमलस्थित राष्ट्रिय नाचघरको प्राङ्गणमा राखिने भएको छ । बिहिबार बिहान १० देखि १२ बजेसम्म नाचघरमा श्रद्धाञ्जली सभा आयोजना गरिएको स्वर्गीय लामाका नातेदार यदुमान लामाले मेरोलाइफस्टाइललाई जानकारी दिए ।
लामाको बुधबार बिहान अन्दाजी १ बजेतिर भक्तपुरस्थित कौशलटारमा निधन भएको थियो । निधनपश्चात प्रहरीले अनुसन्धान गरी दुवाकोटस्थित काठमाडौं मेडिकल कलेजमा पोष्टमार्टमका लागि पठाएको थियो । रिपोर्टमा कुनै शंका नदेखिएपछि उनको पार्थिव शरीरलाई घरमै ल्याइएको यदुमानले बताए ।
‘अहिले लामा विधिअनुसार पाठ भइरहेको छ,’ उनले भने, ‘भोलि श्रद्धाञ्जलीपश्चात स्वयम्भूमा दाहसंस्कार गर्नेछौं ।’
