कोमल र प्रज्ञा वलीको ‘ऐच्यै चत्तेरी’ सार्वजनिक (भिडियोसहित)
राष्ट्रिय सभा सदस्य तथा गायिका कोमल वलीको शब्द रहेको दंगाली भाषाको ‘ऐच्यै चत्तेरी’ बोलको गीत सार्वजनिक भएको छ । शुक्रवार कोमल वली युट्युव च्यानलमार्फत गीत सार्वजनिक भएको हो ।
गीतमा उनकी बहिनी प्रज्ञा वली ‘शरद’ को स्वर रहेको छ । गोविन्द मधुर आचार्यको संगीत रहेको गीतलाई कृष्ण बडूले संगीत संयोजन गरेका छन् भने श्यामश्वेत रसाईलीले मिक्सिङ/मास्टरिङ गरेका छन् ।
प्रिज्मा स्टुडियोमा रेकर्डिङ भएको गीतको भिडियोलाई वसन्त निरौलाले निर्देशन गरेका छन् ।
पवित्रा आचार्यले नृत्य निर्देशन गरेको भिडियोलाई दिव्यराज छायांकन गरेका हुन् । गीतको भिडियोमा प्रज्ञा वली र शरद चौलागाईंको अभिनय रहेको छ । साथै, प्रेमप्रकाश वली, पूजा केसी, सविना बुढथापा, हरी कालाथोकी, सुरेन्द्र महर्जन लगायतलाई भिडियोमा देख्न सकिन्छ ।
भिडियोलाई साहिल खान र मिलन श्रेष्ठले सम्पादन गरेका छन् भने राजेन्द्र मोक्तानले कलरिङको काम गरेका छन् ।
