English

मेलम्चीमा बाढीको वितण्डा

रातभरमै बगर बन्यो मेलम्ची : २ को मृत्यु, १५ जना सम्पर्कविहिन (ड्रोन तस्बिर)



इन्द्रावती नदीमा आएको भीषण बाढीले सिन्धुपाल्चोकको मेलम्ची बजार बगरमा परिणत भएको छ । मंगलबार साँझबाट एक्कासी नदीमा आएको बाढीका कारण मेलम्ची अस्तव्यस्त बनेको हो ।

बाढीले नदी आसपासका कैयौं घर बगाएको छ । साथै, १५ जना सम्पर्कविहिन र २ जनाको शव फेला परेको जिल्ला प्रशासन कार्यालय सिन्धुपाल्चोकका सहायक प्रमुख जिल्ला अधिकारी बाबुराम खनालले बताए ।

मृतकमध्ये १ जना गोङ्तियान्छियो नामका चिनियाँ नागरिक रहेका छन् भने अर्का एकजनाको सनाखत हुन सकेको छैन । चिनियाँ नागरिकको शव मेलम्ची बजारभन्दा २ सय मिटर तल फेला परेको थियो भने अर्काको इन्द्रावती गाउँपालिका–७ मा फेला परेको खनालले जानकारी दिए ।

‘बिहानसम्म २० जना सम्पर्कबिहिन भन्ने जानकारी आएको थियो,’ खनालले भने, ‘बेपत्ता भनिएका मध्ये १ जनाको शव फेला पर्यो भने थप ४ जना धुलिखेलबाट सम्पर्कमा आएका छन् त्यसैले अब १५ जना सम्पर्कविहिन छन् ।’

बाढीबाट मेलम्ची नगरपालिकाका अन्दाजी ६ सय र हेलम्बु गाउँपालिकाका अन्दाजी ३ सय जना स्थानीय बासिन्दा प्रभावित भएको छ ।

बाढीले सडक पूर्ण अवरुद्ध बनेको छ । हालसम्म ५ वटा झोलुंगे र ४ वटा पक्की पुल बगाएको छ । यसैगरी, ७ वटा ट्राउट माछा फार्म बगाएको सहायक प्रजिअ खनालले बताए ।

नाकुत्तेभन्दा ५ सयमिटर माथि ठूलो पहिरो गएर मेलम्ची नदी थुनिएको बाँध फुट्न गई नदीको बहाब बढेको जिल्ला प्रशासन कार्यालयले जनाएको छ ।

इन्द्रावती नदी आसपासका सबै नागरिकहरु आफ्नो घर छोडेर सुरक्षित ठाउँमा बसिसकेका छन् । यद्यपि, राहतको खाँचो परेको बाढी पीडित गोपाल दुलाल बताउँछन् । नदी किनारमै रहेको दुलालको बाढीले बगाउनै आँटेको छ ।

२ वर्ष अघि ८० लाख लगानीमा निर्माण गरेको घर बाढीले बगाउन लाग्दा उनको मन भक्कानिन्छ । ‘घर त बगाइहाल्छ कतिबेला हो,’ उनले भने, ‘ज्यान जोगायौं अब हामीलाई गाँस र बासको समस्या छ ।’ गोपालजस्तै, अधिकांश मेलम्चीबासीको गुनासो यही छ । त्यसो त मेलम्ची राहतको पर्खाइमा छ ।

तस्बिर:मेरोलाइफस्टाइल

भिडियो हेर्न तल क्लिक गर्नुहोस ।



Leave a Reply

Your email address will not be published. Required fields are marked *

सम्बन्धित खबरहरु

नेपालको अन्नपूर्ण संरक्षण क्षेत्रमा नयाँ प्रजातिको चरा भेटिएको छ । नयाँ प्रजातिको चरा ‘फुस्रो सारौं’ नाममा अभिलेख गरिएको छ ।

वायु प्रदूषण रोक्न विकसित मुलुकहरूले सवारी साधन, कलकारखाना, उद्योगलगायत विभिन्न क्षेत्रमा विशेष मापदण्डहरू तोकी एक्युआई अर्थात् एयर क्वालिटी इन्डेक्समा उत्तम

‘तपाई जति प्रकृति नजिक पुग्नु हुन्छ, प्रकृति त्यति नै तपाई नजिक आइपुग्छ’, यो भनाई हङकङका नेपाली व्यवसायी राज गुरुङलाई ठ्याक्कै

एक साँझ हामी सूर्यास्त अवलोकन गर्न हेग शहरको अत्याधिक प्रसिद्ध समुन्द्रतट स्केभनिनगन गएका थियौँ । हाम्रो टोलीमा इटाली, फ्रान्स, नर्वे,