यसरी बनाउनुस् गुन्द्रुकको मीठो अचार
नेपाली भान्सा पाइने चर्चित परिकार हो – गुन्द्रुक । यसलाई तरकारी या अचारको रुपमा बनाएर खान सकिन्छ । रायो, तोरी, मुला आदिको सागबाट गुन्द्रुक तयार गरिन्छ । आज यहाँ गुन्द्रुकको मीठो अचार कसरी बनाउने भन्ने बारेमा चर्चा गरिएको छ ।
आवश्यक सामाग्री
–एक कप गुन्द्रुक
–आधा कप हरियो प्याज
–सानो अदुवा र एक पोटी लसुन काटेको
–१ चम्चा जीरा भुटेको
–ठुलो उमालेको वा पोलेको टमाटर
–स्वाद अनुसार भुटेको रातो खुर्सानी
–आधा कप हरियो धनियाँ काटेको
–नुन स्वाद अनुसार
–तेल आवश्यकता अनुसार
–आधा चम्चा मेथीको दाना
–भाडा, सिलौटा
बनाउने विधि
–गुन्द्रुकलाई २० मिनेट तातो पानीले भिजाउनु होस् ।
–गुन्द्रुक भिज्दासम्म भुटेको जिरा, रातो खुर्सानी, लसुन, अदुवा र टमाटर पिस्ने ।
–२० मिनेट भिजेको गुन्द्रुक हातले मोल्ने ।
–गुन्द्रुक भाडामा राख्ने र काटेको हरियो प्याज, पिसेको जिरा, रातो खुर्सानी र टमाटर राख्ने ।
– तेल तताएर मेथी पड्काउने र बेसार राखेर झान्ने ।
– गुन्द्रुकमा सबै मसला लाग्ने गरी मोल्ने ।
–यसरी गुन्द्रुकको अचार तयार भयो । यसरी तयार भएको गुन्द्रुकको अचार खाना, रोटी, मकै, ढिँडोसँग खान सकिन्छ ।
