‘उसिनेको अण्डा जस्तो देखिन्छन् स्टार किड्स’



बलिउड अभिनेत्री कंगना रनावटले बलिउडमा व्याप्त नेपोटिज्मको बारेमा बेला बखतमा आफ्नो अभिव्यक्ति दिँदै आएकी छन् । जसले गर्दा उनी विवादमा पनि तानिरहेकी हुन्छिन् । एकपटक फेरि उनले स्टार किड्समाथि निशाना साधेकी छन् । हालै एक अन्तर्वार्ताको क्रममा उनले स्टार किड्सका कारण बाहिरी व्यक्ति (आउडसाइडर) अवसरबाट बञ्चित हुने गरेको बताएकी छन् ।

अभिनेत्री कंगना बलिउड फिल्म लगातार असफल हुनुको कारण स्टार किड्सलाई मान्छिन् । उनले भनेकी छन्, ‘बलिउड फिल्म यसकारण चलिरहेका छैनन् कि आम दर्शकले स्टार किड्ससँग आफूलाई रिलेट नै गर्न सक्दैनन् । यही कारण हिन्दी फिल्म साउथ फिल्मसँग नराम्रोसँग हारिरहेको छ ।’ बलिउडका स्टार किड्स उसिनेको अण्डा जस्तो देखिने गरेको समेत उनको टिप्पणी छ ।

‘स्टार किड्स पढ्नका लागि विदेश जान्छन् । त्यहाँ अंग्रेजीमा बोल्छन् र हलिउड फिल्म हेर्छन् । उनीहरुको हुकाई र पढाई आम मानिसको जस्तो हुँदैन । उनीहरु चक्कु र काँटाबाट खान्छन् अनि अलग तरिकाले बोल्छन् । त्यस्ता स्टार किड्स दर्शकसँग कसरी जोडिन सक्छन् रु अनि दर्शकले कसरी रिलेट गर्न सक्छन् रु उनीहरु त उसिनेको अण्डा जस्तो देखिन्छन्,’ कंगनाले भनेकी छन् ।

साउथ फिल्म ‘पुष्पा’मा अभिनेता अल्लू अर्जुनले निर्वाह गरेको चरित्रसँग आम दर्शकले आफूलाई रिलेट गर्न सक्ने र त्यस्ता चरित्रमा मजदुरले पनि आफ्नो छाँया देख्ने भएकाले संसारभर साउथ फिल्मको क्रेज बढ्दो रहेको कंगनाको भनाई छ । तर, बलिउडका कुनै पनि हिरो मजदुर जस्तो नदेखिने उनको तर्क छ । बलिउड फिल्म देश र जनतासँग जोडिन नसकेको पनि उनी बताउँछिन् ।

यो पनि…
‘पुष्पा २’लाई ठूलो स्केलमा बनाइँदै
नेपालसँगै भारतमा पनि एकसाथ चल्दै ‘प्रेमगन्ज’



Leave a Reply

Your email address will not be published.

सम्बन्धित खबरहरु

आसन्न मंसिर ४ को चुनावलाई लक्षित गरी नेपाली कांग्रेसका महामन्त्री गगन थापाको चुनावी गीत सार्वजनिक भएको छ । बुधाबार ‘हाइहाइ

यति बेला देश निर्वाचनमय बनेको छ । प्रतिनिधिसभा र प्रदेशसभाको निर्वाचन आउन अब ९ दिन मात्रै बाँकी छ । निर्वाचन

लोक गायिका बबिता बानियाँ ‘जेरी’ र गायक शंकर क्षेत्रीको सम्बन्ध विच्छेद भएको छ । उनीहरूले बिहीबार काठमाडौं जिल्ला अदालत पुगेर

समाजसेवी अमृत दोर्जे (कान्छा लामा) द्वारा लिखित आत्मकथा ‘पर्खाइ’ को विमोचन गरिएको छ । सोमबार बुढानीलकण्ठस्थित हातीगौँडामा भएको कार्यक्रममा नेकपा

Suggested