मःम पोटमा यसरी बनाउनुहोस् ढिक्री



ढिक्री थारू समुदायको लोकप्रिय परिकार हो । नेवारी परिकार योमरीजस्तै हुन्छ ढिक्री, यसलाई चामलको पिठोबाट बनाइन्छ । थारू समुदायमा ढिक्री परिकार दशैँ, तिहार तथा माघमा कुल देउतालाई चढाइन्छ । त्यसैले, थारू समुदायमा यो परिकारले धार्मिक र सामाजिक महत्व बोकेको छ । तर, यस परिकारलाई खाजाको रूपमा पनि खाइन्छ । यो परिकार थारू समुदायले आफ्नै मौलिक भाँडाहरू पैन, बट्ली, नाङ्लोको प्रयोग गरेर बनाउँछन् । पूजामा प्रयोग गरिने ढिक्री सादा हुन्छ । तर खाजामा विभिन्न फ्लेभर राखेर बनाउन सकिन्छ । मःम पकाउने भाँडामा खिर मसला र गुलियो राखेर खाजाको लागि यसरी बनाउन सकिन्छ ढिक्री ।

आवश्यक सामग्री

– चामलको पिठो आवश्यकता अनुसार
– पानी आवश्यकता अनुसार
– पिठो मुछ्ने भाँडा
– खिर मसला
– चिनी
– मःम बनाउने भाँडा

ढिक्री बनाउने तरिका

– भाँडामा चामलको पिठो लिनुहोस् ।
– टुक्रा–टुुक्रा पारेर वा पाउडर बनाएर खिर मसला र चिनी चामलको पिठोमा मिलाउनुहोस् ।
– यसरी मिलाइसकेको पिठोमा थोरै–थोरै पानी राख्दै पिठो मुछ्नुहोस् ।
– रोटी पकाउनुभन्दा हल्का सारो पिठो मुछ्नुहोस् ।
– तयारी पिठोलाई हातमा लिनुहोस् ।
– हातले थोरै बल लगाएर पिठोलाई गोलाकार या लामो आकार दिनुहोस् । यसरी ढिक्री तयार हुन्छ ।
– यसरी ढिक्री बनाएर नाङ्लोमा वा ट्रेमा राख्नुहोस् ।

पकाउने तरिका

– ढिक्री बनाउनुभन्दा पहिला मःम पोटमा पानी राखेर चुलोमा बसाल्नुहोस् ।
– मःम पोटमा पानी तातेपछि एक तह ढिक्री राख्नुहोस् र छोप्नुहोस् ।
– ढिक्रीबाट बफ निस्किसकेपछि अर्को तहमा ढिक्री राख्नुहोस् ।
– यसरी भाँडामा ढिक्री राख्दै जानुहोस् ।
– यसरी स्टिम गर्न राखिएको ढिक्री ३० मिनेटमा तयार हुन्छ ।
– अब तपाईंले यसलाई अचार वा तरकारीसंग खाना सक्नुहुन्छ ।



प्रतिक्रिया दिनुहोस !
सम्बन्धित खबरहरु

हामीले बनाउने अधिकांश तरकारीमा आलु र टमाटरको प्रयोग धेरै नै हुन्छ । जे तरकारी बनाउनमा पनि पहिला आलु र दोश्रोमा

नेवारी समुदायको रैथाने खाने परिकारमध्ये बारा चल्तीको खानामध्ये एक हो । यसलाई नेवारी भाषामा वो भनिन्छ । यसलाई कालो दालको

घरमा बोटबिरुवा लगाउनाले घरको वातावरणमा हरियाली त हुन्छ नै, यसका साथै परिवारको सदस्यहरूको स्वास्थ्यमा पनि सकारात्मक प्रभाव पर्छ । बोटबिरुवा

तपाई घरको भित्री कोठामा रङ्ग लगाउदैं हुनुहुन्छ ? रङ्ग लगाउँदा घर भित्रका सामानहरूमा लाग्छ की भनेर चिन्ता त हुनुहुन्न ।