नेपालगन्ज वाटरपार्कमा भेटियो १०० किलो बढि फोहोर
नेपालगन्ज : १६ फागुन नेपालगन्जको प्रमुख पर्यटकीय गन्तव्यको रुपमा रहेको वाटरपार्कमा १०४ किलो बढि फोहोर भेटिएको छ । बास नेपालले सम्पन्न गरेको सरसफाई कार्यक्रममा उक्त फोहोर संकलन गरिएको हो। बाँके जिल्लाको प्रमुख पर्यटकीय गन्तव्यको रुपमा रहेको वाटरपार्क लामो समयदेखि सरसफाईको अभावमा रहेको थियो । द कोकाकोला फाण्डेशनको आर्थिक सहयोगमा बास नेपाल र स्वच्छ सफा नेपाल (क्लिन अप नेपाल) द्धारा सञ्चालित ग्रीन नेपालगञ्ज सामुदायिक फोहोर रुपान्तरण परियोजना अन्तर्गत शनिबार वाटरपार्कमा सरसफाई गरिएको थियो ।
बास नेपालको तालिम प्राप्त २० जना स्वयंसेवहरु, कार्य समिति सदस्य तथा नेपालगन्ज उपमहानगरपालिका वडा नं. १ का सरसफाईकर्मीद्धारा संयुक्त रुपमा संचालन गरिएको सरसफाई कार्यक्रममा १०० किलो बढि फोहोर संकलन गरिएको छ । वाटरपार्क क्षेत्रमा रहेको फोहोरलाई संकलन गरी वर्गीकरण गर्नुका साथै पुन प्रयोग गर्ने सकिने र नसकीने फोहोरलाई छुट्टा छुट्टै व्यवस्थापन गरिएको छ । यसरी संकलन गरिएको फाहोरमा ४५ किलो प्लाष्टिक, २५.३५ किलो काँच, ६.४७ किलो प्लाष्टिक बोतल, २८.१६ किलो विविध मिसावाट गरिएको फोहोर गरी जम्मा १०४.९३ किलो फोहोर रहेको छ ।
यो फोहोर वाटरपार्कको आधा भाग सरसफाइ गर्दा भेटिएको हो । वाटरपार्ककमा अध्याधिक फोहोर भएकाले एकैपटक सरसफाइ गर्न गाह्रो भएको भन्दै बाँकी रहेको भागमा अर्को दिन सफा गर्ने बास नेपालका परियोजना संयोजक मन भण्डारीले बताए । संकलन गरिएको फोहोरको सुरक्षित व्यवस्थापनको लागि वडाको समन्वयमा ल्याण्डफिल्ड साइटमा लगिएको छ । कार्यक्रममा बास नेपालका कार्यक्रम अधिकृत रबिन्द्र बोहराले फोहोरलाई कसरी वर्गिकरण गर्ने र त्यसको व्यवस्थापनबारे जानकारी प्रदान गरेको थिए । परियोजना संयोजक मन भण्डारीले सहभागिहरुलाई स्वागत गर्दै फोहोर व्यवस्थापनको दिगो उपाए बारे जानकारी प्रदान गरेका थिए ।
Jade Gallagher
I appreciate you sharing this blog post. Thanks Again. Cool.