‘स्थानीय निर्वाचनमा गठबन्धनको सम्भावनालाई नकार्न सकिँदैन’
नेपाली कांग्रेसका प्रवक्ता डा.प्रकाशशरण महतले आगामी स्थानीय निर्वाचनमा गठबन्धनको सम्भावनालाई नकार्न नसकिने बताएका छन् ।
सल्यानको एक कार्यक्रममा सहभागी हुने क्रममा शनिबार दिउँसो नेपालगञ्जमा उत्रिएका प्रवक्ता डा.महतले नेपाल प्रेस युनियन बाँकेद्वारा आयोजित पत्रकार सम्मेलनमा सो कुरा बताएका हुन् ।
‘गठबन्धनको सम्भावनलाई नर्कान सकिँदैन’, प्रवक्ता डा.महतले भने, ‘यस विषयमा पार्टीको केन्द्रीय समितिमा छलफल हुन्छ । गठबन्धन गर्दा बढी सिट जितिन्छ भन्नेमा सहमति बन्यो र इच्छुक दलह’ को उपयुक्त प्रस्ताव आयो भने गठबन्धन हुन्छ । प्रस्ताव कस्तो आउँछ त्यसमा भरपर्दछ । विनविन पोजिसनमा हुन सक्छ ।’
उनले हरेक पार्टीको लक्ष्य निर्वाचनमा सकेसम्म बढी सिट जित्ने भएकोले गठबन्धन गर्दा धेरै सिट जित्ने देखियो भने गठबन्धन हुने र त्यसको मोडेल केन्द्रले निर्धारण गर्ने पनि बताए ।
उनले नेपाली कांग्रेसका कार्यकर्ताहरू अहिले गठबन्धन गर्न हुन्छ हुँदैन भन्ने बहसमा नअल्झन नहुने पनि बताए ।
यो पनि…
यी हुन् कांग्रेस केन्द्रीय समिति बैठकका एजेन्डा
स्थानीय निर्वाचन : आयोगले तोक्यो मनोनयनपत्र दर्ता गर्ने समय
स्थानीय निर्वाचन : ठूला दल रणनीति बनाउँदै, साना दललाई छटपटी
