घरलाई कसरी सुगन्धित बनाउन सकिन्छ ?

केही घरहरूमा अक्सर अनौठो गन्ध आउने गर्छ । जुत्ता, र्याक, डस्टबिन, भिजेको तौलिया, सोफाजस्ता चिजहरूका कारण गन्ध आउन सक्छ । केही चिजहरू सफा गर्न सजिलो भए पनि केही गाह्रो हुन्छ । जसले गर्दा गन्ध हट्नुको सट्टा झन् बढ्छ । आज हामी तपाईंलाई घरलाई सधैँ सुगन्धित राख्न केही उपायहरू बताउँदै छौँ ।

मैनबत्ती वा कपूर राख्नुहोस्

घरको कुनामा राखिएको स्टयान्ड वा टेबुलमा सुगन्धित मैनबत्तीहरू राख्दा घरमा सधैँ राम्रो सुगन्ध फैलिन्छ । मैनबत्तीलाई प्रत्येक कोठामा राख्न पनि सक्नुहुन्छ ।

यसैगरी, कपूरको धूपले पनि घरलाई सुगन्धमय बनाउँछ ।

गलैँचा सफा राख्नुहोस्

घरमा अनौठो गन्ध आउनुका प्रमुख कारण घरमा हुने गलैँचा पनि हो । त्यसैले, समय–समयमा सफा गर्नु धेरै महत्वपूर्ण हुन्छ । गलैँचा सफा गर्नका लागि यसमा बेकिंग सोडा छर्केर भ्याकुमले सफा गरी स्प्रे गर्न सकिन्छ ।

इन्डोर प्लान्टस रोप्नुहोस्

घरभित्र बोटबिरुवाहरू राख्नले हावा शुद्ध हुन्छ र घरमा राम्रो सुगन्ध पनि आउँछ । यसमा लिली, जस्मिन, गार्डेनिया जस्ता धेरै बिरुवाहरूलाई स्थान दिन सकिन्छ ।

फोहोरलाई डस्टविनमा राख्नुहोस्

हामीले डस्टविनमा अण्डा, बाँकी रहेको दाल, खराब तरकारी र बोक्रा जस्ता धेरै चिजहरूलाई फालिरहेका हुन्छौँ । जसकारण केही समयपछि घरमा धेरै गन्ध आउने गर्छ । त्यसैले, यस्ता वस्तुलाई भान्साबाहिर राख्न सक्नुहुन्छ ।

यो पनि…
घर बनाउने सपना, ‘गुरु’ ले पार्छ साकार
इन्टेरियर डेकोरेसनले घरलाई सुन्दर बनाउनुहोस