काँक्रोमा यस्ता छन् फाइदाजनक गुणहरू

काँक्रोभित्र धेरै फाइदाजनक गुणहरू रहेका छन्, जसले अनुहारमा आउने दागलाई हटाउन मद्दत गर्छ । यसमा भिटामिन ‘सी’, भिटामिन ‘ए’, जेक्सान्थिन ल्युटिन र क्यारोटिन जस्ता एन्टिअक्सिडेन्टहरू पाइन्छन्, जुन अनुहारलाई सुन्दर राख्न निकै फाइदाजनक हुन्छ ।

यदि, तपाईं पनि अनुहारमा आउने दागहरूबाट चिन्तित हुनुहुन्छ भने घरमै काँक्रोको प्रयोग गरी फेसप्याकहरू बनाउन सक्नुहुन्छ । यसलाई फेसप्याक कसरी बनाउने जानौँ ।

काँक्रा र टमाटरको फेसप्याक

यो फेसप्याकलाई सजिलो तरिकाले घरमै बनाउन सक्नुहुन्छ । यसका लागि आधा पाकेको टमाटर र ३–४ वटा काँक्राको चानालाई छिलेर दुवैको पेस्ट बनाउनुहोस् ।

पेस्टलाइ अनुहार र घाँटीमा लगाई एक मिनेटसम्म मसाज गरी १५ मिनेटसम्म त्यत्तिकै छाडनुहोस् । १५ मिनेटपछि आफ्नो अनुहारलाई सफा पानीले धुनुहोस् । टमाटर र काँक्रोको फेसप्याकले तपाईको अनुहारको छालालाई चम्किलो बनाउँछ ।

काँक्रो र महको फेसप्याक

यो फेसप्याक बनाउनको लागि १ चम्चा ओट्स ३,४ वटा काँक्रोको चाना र आधा चम्चा मह लिई राम्ररी मिलाएर पेस्ट तयार गर्नुहोस् । तयार पेस्टलाई लगभग १५ मिनेटसम्म आफ्नो अनुहारमा लगाउनुहोस् र सफा पानीले धुनुहोस् । यस फेसप्याकको प्रयोगले अनुहारमा हुने सुक्खापनलाई हटाउँछ ।

काँक्रो र एलोभेरा जेलको फेसप्याक

काँक्रो र एलोभेरा जेलको फेसप्याक बनाउनको लागि १ चम्चा एलोवेरा जेल र ३–४ चम्चा काँक्रोको पेस्टलाई लिएर एउटै भाँडोमा राम्ररी मोल्नुहोस् । तयार पेस्टलाई अनुहार र गर्दनमा लगाउनुहोस् । लगाएको करिब १५ मिनेटपछि सफा पानीले धुनुहोस् । यस फेसप्याकको प्रयोगले छालामा चमक आउनेछ ।

यो पनि…
दाग र चाउरीपन हटाउन पिठोको फेस प्याक
घाँटीको कालो दागबाट छुटकारा पाउन टमाटर उपयुक्त