अब सुजुकी जिम्नी र फ्रोन्क्स नेपाल अधिराज्यभरका शोरुममा
विश्वभर रुचाइएको र नेपालमा पनि बहप्रतीक्षित सुजुकी एसयूभीहरू अब नेपाल अधिराज्यभरका सबै सुजुकी शोरुमहरूमा हेर्न र टेस्ट ड्राइभ गर्न पाइने भएको छ । त्यसका लागि कम्पनीले यही साउन २२ गतेदेखि नै देशका सबै शोरुमहरूमा उपलब्ध गराउने बताएको छ ।
साउन २२ गते सबै सुजुकी शोरुमहरूमा जिम्नी र फ्रोन्क्सको अनावरण पनि गरिने कम्पनीले जनाएको छ । नेपालका लागि सुजुकी ब्रान्डका चार पाङ्ग्रे सवारीसाधनको आधिकारिक वितरक सिजी होल्डिङ्स (CG|Holdings) अन्तर्गतको अटोमोटिभ डिभिजन सिजी मोटोकर्प (CG|Motocorp) तथा सिजी एनएक्सटीजीईएन (CG|NXTGEN) ले यी एसयूभीहरू बुकिङ गत असार २९ गतेदेखि नै खुल्ला गरेको थियो ।
कम्पनीका अनुसार जिम्नीको सुरुवाती मूल्य रु. ५९ लाख ९९ हजारबाट र फ्रोन्क्सको मूल्य रु. ३९ लाख ९९ हजारबाट सुरु हुनेछन् । पाँच ढोके सुजुकी जिम्नी नेपाल र अन्तर्राष्ट्रिय बजारमा सबैभन्दा प्रतीक्षित कारमध्ये एक हो । यो मोडेलको माग विश्वभर नै निकै रुचाइएको छ ।
सुजुकी जिम्नी अल्टिमेट अफ रोड एसयूभी हो जोहेभी–ड्युटी ल्याडर फ्रेम चेसिसमा निर्मित छ र यसमापर्याप्त बडी एन्गल र ग्राउन्ड क्लियरेन्सको साथ डिजाइन गरिएको छ । यो एसयूभी एक समर्पित उन्नत फोर ह्विल्ड (4WD) प्रणाली, अल ग्रिप प्रो (ALL GRIP PRO) सँग आउँछ भने ब्रेक लिमिटेड स्लिप डिफरेसियल र ३ लिंक रिगिड एक्सल सस्पेन्सन (3 Link Rigid Axle Suspension) जस्ता अफ–रोड सुविधाहरू समावेश छन् ।
अफ–रोड बाटोका लागि उत्तम हुने गरी डिजाइन र निर्मित जिम्नीले २२.६८ सेमी स्मार्ट प्ले प्रो इन्फोटेनमेन्ट सिस्टम, ६ एयरब्याग, इलेक्ट्रोनिक स्टेबिलिटी कन्ट्रोल, अटो टेम्परेचर कन्ट्रोल, हिल डिसेन्ट कन्ट्रोलजस्ता धेरै आधुनिक आरामदायी र सुरक्षित सुविधाहरू उपलब्ध छन् ।
नयाँ सुजुकी फ्रोन्क्स नयाँ जेनेरेसनको स्टाइल र प्रिमियम मिश्रित एसयूभी हो । ’द फेस अफ न्यु एसयूभी’ भनिएको सुजुकी फ्रोन्क्स निकै आकर्षक र स्पोर्टी पनि देखिन्छ । यसमा रहेका अत्याधुनिक प्रविधिहरूले आरामदायी र सुरक्षित अनुभूति प्रदान गर्दछ । प्रिमियम डिजाइन, नयाँ युगका फिचर्स, अत्याधुनिक सुरक्षित सुविधाहरूले सुसज्जित फ्रोन्क्सले आधुनिक नेपाली ग्राहकहरूको लागि सम्पूर्ण माग आपूर्ति गर्ने विश्वास कम्पनीले लिएको जनाएको छ ।
यो पनि…
बिवाइडीका गाडी किन्न कुमारी बैंकले ८० प्रतिशतसम्म कर्जा दिने
ग्लोबल आइएमई बैंकको मुद्दती खाता ‘मेरी उनीलाई’
