बिवाइडीका गाडी किन्न कुमारी बैंकले ८० प्रतिशतसम्म कर्जा दिने
२० प्रतिशत मात्रै डाउन पेमेन्ट गरेर बिवाइडीको गाडी खरिद गर्न सकिने
कुमारी बैंक र साइमेक्स इंक प्रालिबीच ग्राहकलाई बिवाइडीका इलेक्ट्रीक गाडी खरिदका लागि कर्जा प्रदान गर्ने सम्झौता भएको छ। बिवाइडीका इलेक्ट्रीक सवारी साधन किन्न चाहाने ग्राहकलाई कुमारी बैंकले ८० प्रतिशतसम्म कर्जा उपलब्ध गराउने भएको हो ।
नेपालमा इभीको लोकप्रियता बढिरहेको र सोहीअनुसार आफ्ना ग्राहकको माग पूरा गर्न कुमारी बैंकले देशभरका शाखाबाट सहज रुपमा बिवाइडीका कार खरिदमा सवारी साधन कर्जा उपलब्ध गराउने भएको छ।
सम्झौताअनुसार कुमारी बैंकका ग्राहकले नेपालका कुनै पनि बिवाइडी डिलरबाट इभी खरिद गर्दा कुमारी बैंकबाट सजिलै ८० प्रतिशतसम्म कर्जा प्राप्त गर्ने र कर्जा आठ वर्ष अवधीसम्मको हुनेछ। यो भनेको बिवाइडीको गाडी खरिद गर्न इच्छुक ग्राहकले २० प्रतिशतमात्र डाउन पेमेन्ट गरेर गाडी खरिद गर्न सक्नेछन्।
कम्पनीका अनुसार ग्राहकले बिवाइडी अट्टो-३ खरिद गर्न जम्मा १२ लाख ९८ हजार रुपैयाँ र अल न्यू ई-६ खरिद गर्न जम्मा ११ लाख ८० हजार रुपैयाँ डाउन पेमेन्ट गरे पुग्छ।
हाल बिवाइडीको अट्टो-३ को बजार मूल्य ६४ लाख ९० हजार रुपैयाँ र अल न्यू ई-६ को बजार मूल्य ५९ लाख रुपैयाँ तोकिएको छ।
यो पनि…
ग्लोबल आइएमई बैंकको मुद्दती खाता ‘मेरी उनीलाई’
ग्लोबल आइएमई बैंकद्वारा नेपाल प्रहरी छात्रवृत्ति अक्षय कोषमा सहयोग
