चिलीमा अचानक बन्यो गहिरो रहस्यमय खाडल

ल्याटिन अमेरिकी देश चिलीमा अचानक ६५० फिट गहिरो एउटा रहस्यमय खाडल बनेपछि त्यहाँका जनता छक्क परेका छन् । खाडलको गहिराई मात्र नभएर चौडाइ पनि पर्याप्त भएकाले खाडल देखेपछि मानिसमा त्रास फैलिएको हो । यो खाडल ६५० फिट गहिरो र ८२ फिट चौडा छ । अझ अचम्मको कुरा यो छ कि यो खाडल लगातार बढिरहेको छ। अटाकामा क्षेत्रको टिएरा अमरिलाको कम्युनमा अचानक यो खाडल बनेको हो। यो अचानक भएको प्राकृतिक घटनाले मानिसहरू अचम्ममा परेका छन् ।

खाडल बनेको क्षेत्रमा धेरै खानी छन्

खाडल चिलीको राजधानी सान्टियागोबाट करिब ६५० किलोमिटर टाढा छ। यो खाडल बनेको क्षेत्रमा धेरै खानी छन्। यो खाडल क्यानेडियन कम्पनी लन्डन माइनिङसँग भएको बताइएको छ, जसमा अल्कापरोसा खानी रहेको छ जुन निकै ठुलो छ । अहिले अधिकारीहरूले अनुसन्धान गरिरहेका छन् कि यो खाडल कसरी बन्यो ?

खाल्डो कसरी बन्यो भन्ने बारे अनुसन्धान भइरहेको छ

नेशनल सर्भिस अफ जियोलोजी एन्ड माइनिङ (सेर्नागेओमिन) का निर्देशक डेभिड मोन्टेनेग्रोले अनुसन्धानका लागि यस क्षेत्रमा विज्ञहरू पठाइएको अनुसन्धानबारे जानकारी दिएका छन् । तल्लो तहमा कुनै सामग्री नभेटिए पनि पानीको मात्रा भने ठुलो रहेको उनीहरू बताउँछन् । लन्डन माइनिङद्वारा एक विज्ञप्ति जारी गरी खाल्डो बनेर कुनै पनि जनधनको क्षति नभएको भनिएको छ । तर, घटनापछि पुरै क्षेत्र खाली गरिएको छ । यसबारे सम्बन्धित निकायलाई जानकारी गराइएको छ ।

खाडलबाट नजिकको घर ६०० मिटर टाढा छ

स्थानीय मेयर क्रिस्टोबल जुनिंगाले अचानक खाल्डाखुल्डी भएको पुष्टि गरेका छन् । यस विषयमा स्थानीयले गुनासो गरेको उनले बताए । यो खाडल कसरी बन्यो भन्ने बारे अहिलेसम्म कुनै जानकारी आएको छैन । खाल्डा बढ्दै गएको स्थानीय अधिकारी बताउँछन् । यस खाडलबाट नजिकको घर ६०० मिटरको दुरीमा थियो।

क्यानडा र जापानी कम्पनीहरूले यहाँ खानी गर्छन्

यो खाडल बनाइएको खानी स्थल क्यानडा र जापानी कम्पनीको संयुक्त रूपमा रहेको उनले बताए । क्यानडाको फर्मको ८० प्रतिशत सेयर छ भने जापानी फर्मको २० प्रतिशत मात्रै छ । चिलीमा यसअघि यस्तो घटना भएको थिएन । जसका कारण अहिले चिलीमा जनतामा त्रासको वातावरण बनेको छ । खाल्डो बनेपछि उत्खननको काम रोकिएको छ ।

यो पनि…
विरुवा नै लोप हुने विज्ञको चिन्ता
सबैभन्दा पुरानो यो जीवबारे वैज्ञानिक नै छक्क