प्रतिकिलो आँपको मूल्य चार लाख

यति बेला आँपको सिजन चलिरहेको छ, हरेक बजारमा होस् वा सडक छेउमा आँप बिक्री भइरहेको देखिन्छ । आँपको सिजनमा यसको मूल्य महँगो पनि हुँदैन । तर आज हामी तपाईलाई एउटा यस्तो आँपको बारेमा बताउन गइरहेका छौँ, जसको मूल्य सुनेर तपाईंले अचम्म मान्नु हुनेछ । यद्यपि यो आँप नेपालमा भने पाइँदैन । यो आँप जापानमा पाइन्छ। जसको मूल्य करिब ४ लाख रुपैयाँ रहेको छ । अहिले यो आँप भारतमा पनि फलाउन थालिएको छ । यो आँप जबलपुरको एउटा बगैँचामा उब्जाउने गरिन्छ ।

यो आँपको नाम ‘ताइयो नो तामागो’ हो, यसको मूल्य प्रतिकिलो ४ लाख रुपैयाँ छ । जापानको मियाजाकी प्रान्तमा उत्पादन हुने यो विशेष प्रजातिको आँपलाई ‘एग अफ द सन’ पनि भनिन्छ। भारतमा, जबलपुर, चारगवान रोडमा रहेको सङ्कल्प परिहार र रानी परिहारको बगैँचामा यसको खेती गरिएको छ। दम्पतीको बगैँचामा १४ थरीका आँप फलाइन्छ । तीमध्ये केही ताइयो नो तामागोका पनि रुख छन् र विगत चार वर्षदेखि फल फलिरहेका छन् ।

यसलाई उब्जाउमा धेरै ध्यान दिइन्छ । जापानी किसानहरूले प्रत्येक आँपलाई एउटा सानो जालले घेरेका छन्, जसले सूर्यको किरणले यसलाई एकसमान, रूबी–रातो रङ्ग दिन्छ र फललाई रूखबाट तल खस्न दिँदैन। आँप पुरै पाकेर तयार भएपछि आफ्नै आँपको जालमा फस्छन्, जसलाई निकालेर महँगोमा बेचिन्छन्। यो आँप खान निकै मिठो हुन्छ ।

यो आँपको खेती अन्य जातजस्तै सोचविचार नगरी हुँदैन तर अर्डर अनुसार मात्र खेती गरिन्छ । यो आँपको विशेषता भनेको आधा रातो र आधा पहेँलो रङ्गको हुन्छ । जापानमा, यो गर्मी र जाडो बीचको मौसममा तयार गरिन्छ ।

यो पनि…
इन्टरनेटमा सर्वाधिक खोजिने गाउँ
एउटा रहस्यमय रुख