अनौठो प्रयोग : जनावरको कोखमा मानिसको भ्रूण !



जापानमा एक स्टेम सेल वैज्ञानिकले एक विशेष किसिमको शोध शुरु गरिरहेका छन् । र त्यहाँको सरकारद्वारा यसका लागि सरकारी सहायता पनि पाउन थालेका छन् । वैज्ञानिक एउटा यस्तो काम गरिरहेका छन्, जसबाट पशुहरुको गर्भमा मानव कोशिकाहरुको विकास हुनसक्नेछ । यस्तोमा अब जनावरले एक किसिमले सरोगेट आमाको जस्तै काम गर्नेछ । जनावरको कोखबाट मानिसको जन्म हुन सक्नेछ ।

प्रतीकात्मक तस्वीर

विश्वभरमा विज्ञानको माध्यमबाट ठूलो भन्दा ठूलो प्रयोग भइरहेका छन् । यस्तै एउठा ठूलो शोध जापानमा हिरोमित्सू नकोची नामक वैज्ञानिक जनावरमा विशेष शोध गरिरहेका छन् । जापान सरकारले पनि जनावरमा मानव भ्रूण प्रयोग गर्ने अनुमति दिइसकेको छ । हिरोमित्सु आफ्नो टीमसँग मिलेर यो शोध गरिरहेका छन् ।

प्रतीकात्मक तस्वीर

यो टीमले सबैभन्दा पहिला मुसाको एम्ब्रियोमा मानव कोशिकाहरु विकसित गर्नेछन् । पछि एम्ब्रियोलाई सिरोगेट जनावरको गर्भमा प्रत्यारोपित गर्नेछन् । यसको प्रयोगको महत्व मानिस शिशु बनाउन नभएर यस्तो पशु बनाउनुु हो, जसको शरीरका अंग मानव कोशिकाबाट बनेको होस् । यसबाट आवश्यक परेमा जनावरको अंग मानिसमा प्रत्यारोपण गर्न सकिनेछ ।

प्रतीकात्मक तस्वीर

तर जापान भन्दा पहिला केही देशले यस्तो प्रोजेक्ट जिन्दगीसँग खेलबाड गरिने भन्दै स्विकृति दिएका थिएनन् । वर्ष २०१५ भन्दा पहिला अमेरिकामा यस किसिमको प्रयास भएको थियो । तर नेशनल इन्स्टीच्युट अफ हेल्थले यसलाई गलत बताउँदै रोक लगायो । तर जापानका वैज्ञानिक यसलाई चुनौति दिँदै जनावरको कोखमा मानिसको जन्मको प्रोजेक्ट शुरु गर्दैछन् ।

प्रतीकात्मक तस्वीर

जापानको यो प्रोजेक्टका कारण विश्वमा खतरनाक परिणाम पनि आउन सक्नेछ । यदि यो प्रोजेक्ट सफल भएमा चाँडै नै एउटा यस्तो जीव अस्तित्वमा आउनेछ, जो आधा मानिस आधा जनावर हुनेछ । यस्तै खतरालाई मध्यनजर गर्दै केही देशले यो प्रक्रिया रोकेको थियो ।



Leave a Reply

Your email address will not be published.

सम्बन्धित खबरहरु

तपाइले जीवनमा त्यस्ता धेरै वेबसाइटहरू देख्नु भएको होला जसले पुरुष वा महिलालाई विवाहको लागि सुझाव दिन्छन् । यी साइटहरूमा हरेक

एउटा अनौठो घटनामा दक्षिण सुडानमा एउटा भेडालाई एक महिलाको हत्या गरेको अभियोगमा तीन वर्ष जेल सजाय सुनाइएको छ । सुडानको

भारतको बिहारमा रहेको पूर्णिया जिल्लामा दुलहीको घरमा गएको जन्तीलाई खाना पस्किन ढिलो भएपछि रिसाएका दुलाहा विवाह समारोह छोडेर भागेका छन्

संसारमा हरेक दिन एलियन्सको बारेमा धेरै अनौठो दाबी गरिन्छ, जसको बारेमा थाहा पाउँदा अचम्म लाग्छ । संसारभरका धेरै मानिसहरूले एलियन

Suggested