बुचा शहरमा भएको मृत्युबारे रूसको यस्तो प्रतिक्रिया
रूसी राष्ट्रपति भ्लादिमिर पुटिनका सहयोगी दिमित्री मेदभेदभले युक्रेनी शहर बुचामा भएका मृत्यु फर्जी प्रचार भएको दाबी गरेका छन् । ‘यी नक्कली हुन् जुन युक्रेनी प्रचारको कल्पनामा परिपक्व हुन्छन्’ उनले भने ।
रूसी सेना फिर्ता भएपछि आक्रमणको बर्बरता चित्रण गर्ने डरलाग्दा तस्बिरहरू बुचा शहरमा सार्वजनिक भएका छन् । कुनै पनि युक्रेनी नागरिकले रूसी सेनाको हिंसात्मक कारबाहीको सामना गर्नु नपरेको रूसी रक्षा मन्त्रालयले दाबी गरेको छ । सी विदेशमन्त्री सर्गेई लाभरोभले किभ बाहिरका दृश्यहरूलाई रूस विरोधी उत्तेजना भनेका छन् ।
तर युक्रेनका राष्ट्रपति भोलोदिमिर जेलेन्स्कीले रूसले युद्ध अपराध गरेको बताउँदै आएका छन् । हत्यालाई ‘नरसंहार’ र ‘युद्ध अपराध’ भन्दै राष्ट्रपतिले जेलेन्स्कीले भने, ‘हामीलाई थाहा छ कि बुचामा हजारौं मानिस मारिएका छन् । महिला बलात्कृत भएका छन्, बालबलिका मारिएका छन् । रूसले युद्ध अपराध गरेको छ ।’
बुचामा सामूहिक चिहानहरू फेला परेको विवरण सार्वजनिक भएका छन् । तर रूसले उक्त आरोप ‘नक्कली’ भएको बताएको छ । बुचामा पाँच अज्ञात सर्वसाधारणको शव हात पछाडि बाँधिएको अवस्थामा शव भेटिएका थिए । शवको टाउकोमा गोली लागेको थियो ।
यो पनि..
हमला प्रभाव : बालबालिकाको शरीरमा पारिवारिक विवरण
अमेरिकाले अस्वीकार गर्यो रसियाको माग
रुसी हमलामा मारिए फक्स न्युजका पत्रकार
