धादिङमा यसरी भयो नदी सरसफाइ र वातावरण सचेतना

बेल्जियमको रिभर क्लिनअप संस्थाको सहयोगमा धादिङमा चैत १९ मा एक दिने ठूलो त्रिशूली नदी सरसफाई कार्यक्रम सम्पन्न भएको छ । लेट्स क्लिन अप नेपाल एउटा गैर नाफामुखी संस्था हो जसले नेपालभर वातावरण सम्बन्धी विभिन्न अभियानहरू आयोजना गरी स्वच्छ र हरित नेपाल बनाउन वातावरणीय क्षेत्रमा काम गरिरहेको छ ।

पछिल्लो समय यस संस्थाले वातावरणको बारेमा चासो राखेको छ । मुख्यतया शून्य फोहोरको अवधारणाका साथ नदीहरूलाई फोहोरबाट मुक्त गर्न यो संस्था समर्पित छ । संस्थाले यसअघि पनि विभिन्न देशहरूमा नदीहरू सफा गर्दै आएको थियो । नदी सफाई अभियान सृजना गर्नुका साथै यो संस्थाले विश्वभर नदी सफा गर्ने अभियन्ताहरूलाई सहयोग गर्दै आएको छ ।

धादिङ जिल्लाको रोराङ बेनीघाट गाउँपालिकामा रहेको मलेखुदेखि बेनाइटसम्म ५४ जना उत्प्रेरित स्वयंसेवकको साथमा उनीहरूले सफाइको लक्ष्य हासिल गरेका छन् । उनीहरु सबै फोहोर उठाएर वातावरण स्वच्छ बनाउन निकै उत्साहित देखिएका थिए । सरसफाई गरेर आफ्नो कार्यबाट सकारात्मक सन्देश दिएर स्थानीयलाई उदाहरण दिए । स्वयंसेवकहरूसँगै उनीहरूले स्थानीय नेताहरू भुवन त्रिपाठी र शिव पाण्डेबाट पनि ठूलो सहयोग पाएका थिए उनीहरूले यस प्रकारको अभियानको प्रशंसा गरे र ती क्षेत्रमा अन्य विभिन्न शैक्षिक परियोजनाहरूका लागि सहयोगको अनुरोध गरे ।

दिनको अन्त्यमा एक सय २० वटा रद्दीटोकरी झोला संकलन गरी रिसाइकल गर्न काठमाडौंको डोको रिसाइकलर्स केन्द्रलाई हस्तान्तरण गरिएको थियो ।

फोटो : राजकुमार श्रेष्ठ/मेरो लाइफस्टाइल

यो पनि…
वातावरण जोगाउन जन्मिएको ‘अर्थ आवर’
विश्व वनजंगल दिवस : हरियो वन प्राणीको धन