घरमा सकारात्मक ऊर्जा ल्याउन यसो गर्नुहोस्

हरेक व्यक्ति घरमा शान्ति, सकारात्मक ऊर्जा र आर्थिक लाभ होस् भन्ने चाहन्छन् । तर, त्यसका लागि निम्न कुरामा ध्यान दिनुपर्छ ।

– घरलाई सफा–सुग्घर राख्नुहोस् । फोहोरले घरमा नकारात्मक ऊर्जा पैदा गर्छ ।
– घरमा फोहोर । डस्टबिनलाई ढोकाको नजिक नराख्नुहोस्, किनकि, यसले नकारात्मक ऊर्जा उत्पन्न गर्छ ।
– विभिन्न तथा ताजा रंगहरूको प्रयोग गर्नुहोस्, हरियो, निलो, बैजनी, पहेँलो, सुन्तला आदि रंगहरूको प्रयोग गर्नुहोस् जसले घरलाई सकारात्मक ऊर्जा दिन्छ । साथै, गाढा रंगहरूबाट बच्नुहोस् ।
– सुन्दर प्रकाशका लागि क्रिस्टल राखी उचित भेन्टिलेसन दिनुहोस् ।
– घरमा विभिन्न इन्डोर प्लान्टहरू राख्नुहोस् ।
– दराज भएमा जथाभावी कपडालाई पट्याएर राखेर त्यसलाई भर्नुहोस् ।
– खुसीको सम्झनामा, पारिवारिक तस्वीरले वा मुस्कुराएको तस्वीरले घरका भित्ताहरूलाई सजाउनुहोस् ।
–र्याकमा पुस्तकहरू, सजावटी समान तथा किताबहरूलाई राख्नुहोस् ।
– घरमा प्रकाशका लागि प्राकृतिक सूर्यको किरण ल्याउन झ्याल खुल्ला राख्नुहोस् ।
– घरमा एक्युरियम राख्नुहोस् जसले घरमा समृद्धि ल्याउँछ ।
– मुख्य ढोकातिर फर्केर कुनै रुख, पोल वा स्तम्भ राख्नु हुँदैन, साथै भान्सामा पनि औषधि नराख्नुहोस् ।
– घरमा फुटेको भाँडाकुँडा, बिग्रिएको घडी वा खराब इलेक्ट्रोनिक सामानहरू नराख्नुहोस् ।
– बाथरुमको ढोका बन्द राख्नुहोस् । भान्सातर्फ मुख फर्किएको शौचालय हुनुहुँदैन ।
– भित्तामा क्रोध, झगडा, एक्लोपन वा निराशजस्ता चित्रहरू नराख्नुहोस् ।
– फर्निरको कुना धेरै तिखो हुनुहँुदैन भन्ने कुरामा ध्यान दिनुहोस् ।
– घरलाई सही लुक्स दिन चाहनुहुन्छ भने सेतो र क्रिम रंगको प्रयोग गर्नुहोस् । यो रंग सुखदायी, र सकरात्मक हुन्छ जसले दिमाग र मुड शान्त पार्नसमेत मद्दत गर्छ ।

यो पनि…
घर सजाउने यस्ता छन् सरल उपाय
वास्तुअनुसार कुन ठाउँमा के राख्दा शुभ हुन्छ ?