जहाँ खान्छन् माटोको मसला
विश्वमा ठाउँ परिवेशअनुसार खानपान शैली फरक–फरक हुन्छ । अझै परिकार र त्यसमा प्रयोग गर्ने मसलामा त झनै विविधता पाइन्छ । तर, संसारमा एउटा यस्तो ठाउँ छ, जहाँ मानिसहरू माटोलाई मसलाको रूपमा प्रयोग गर्छन् ।
इरानको हर्मुज टापुको सुन्दर पहाडमा बसोबास गर्ने मानिसहरूले माटोलाई मसलाको रूपमा प्रयोग गर्छन् । कारण यो टापु त्यहाँका मासिहरूका लागि धेरै विशेष छ ।
जहाँ रहेको माटो रंगीन छ । जसकारण यस टापुलाई इन्द्रेणी द्वीप पनि भनिन्छ । यहाँ आउने पर्यटकले यो पहाडको माटोको स्वाद लिन्छन् । शुरुमा मानिसहरु माटो खान लजाए पनि स्वादका कारण मीठो मानेर खान्छन् ।
के छ माटोको विशेषता ?
यो सुन्दर टापुको माटो विविध प्रकारका खनिजले भरिएको छ । बेलायतको जियोलोजिकल रिसर्चका अनुसार यहाँको माटोमा फलामलगायत ७० प्रकारका खनिज पाइन्छन् ।
यी पहाडहरूमा नुनको ढिस्कोसहित सेल, माटो र फलामका तहहरू छन् । जसकारण पहाडहरू रंगीन देखिन्छन् । साथै, यहाँको माटोमा मसलाकै स्वाद पाइन्छ ।
रिसर्चका अनुसार प्रमुख भू–वैज्ञानिक डा.क्याथरिन गुडनफका अनुसार लाखौँ वर्षअघि पर्सियन खाडीनजिकै रहेको समुद्रमा नुनको बाक्लो तह जम्मा भएको थियो । त्यसैले यहाँको माटोमा बेग्लै स्वाद रहेको पाइन्छ ।
यो पनि…
बेहुलाले मण्डपमै थप्पड हानेपछि बेहुलीले गरिन् देवरसँग विवाह
यो समुदायको अनौठो चलन : अन्त्येष्टिपछि पिउने गर्छन् मृतकको खरानीको सुप
