बिरालोका कारण १०७ घरमा आगलागी
दक्षिण कोरियामा घरपालुवा जीव राख्नेहरूलाई सजग रहन चेतावनी दिइएको छ । गत वर्ष देशभर १०७ घरमा भएका आगलागीका घटना बिरालोका कारण भएको पत्ता लागेपछि सोउल मेट्रोपोलिटनको आगजनी तथा प्रकोप विभागले घरपालुवा जीव राख्नेहरूलाई सजग रहन चेतावनी दिएको हो ।
बिरालोले विद्युतीय स्टोभहरू स्विच अन गरिदिँदा आगलागी सुरु भएको विभागको भनाइ छ । बिरालोहरूले संवेदनशील टच बटनमाथि उफ्रिएर स्वीच अन गर्दिन सक्छन् । त्यसो गर्दा उपकरण ‘ओभरहिट’ भई आगो लाग्न सुरु हुन्छ ।
गत वर्ष भएका सबै आगजनीमा थुप्रै मानिस घाइते भएका थिए । तीमध्ये आधाभन्दा बढी घटनामा घर मालिक बाहिर गएका बेला यस्तो दुर्घटना हुने गरेको पाइएको छ ।
विशेषगरी राजधानी सोउलमा आगजनीका घटना एकदमै बढिरहेको बताइएको छ । सन् २०१९ मा मात्र जनवरीदेखि सेप्टेम्बरमा ३१ घरेलु आगजनीमध्ये अधिकांश बिरालोका कारण सुरु भएको पाइएको थियो ।
यो पनि
नासाको चेतावनी : ‘जनवरी १८’ पृथ्वीमा हुनसक्छ खतरा
गाईको दुध बढाउन टाउकोमा हेडसेट
