यी हुन् नियमित हात खुट्टा झमझमाउनुका कारण, कसरी बच्ने ?



शरीरका विभिन्न भाग कुनै समय झमझमाउने समस्या प्रायलाई भएको हुन सक्छ । कहिलेकहीँ झझमाउनु सामान्य हो । तर, बारम्बार शरीर झमझमाइरहन्छ भने केही समस्या हुन सक्छ । हातगोडा खुम्चाएर बस्दा त्यो भन्दा तलको भाग झमझमाउनु सामान्य हो । यद्यपि, खुट्टा सिधा पारेको केही समयपछि नै यो समस्या ठीक हुन्छ । बारम्बार हातगोडा झमझमाउनुको अन्य कारणहरु के के हुन् र यसबाट कसरी जोगिने भन्ने विषयमा वीर अस्पतालका न्युरोलोजिष्ट, डा. सुनिल कोइरालाको सुझाव यस्तो छ :

झमझमाउने कारण

–शरीर झमझमाउने विभिन्न कारणहरु हुन्छन् । हिडाइ, बसाइँ र सुताइ नमिलेर शरीर झमझमाउन सक्छ भने अन्य विभिन्न कारणले पनि शरीर झमझमाउने समस्या हुन सक्छ ।
–रोगहरुमा मुख्य त कसैलाई डायविटिज छ भने शरीर झमझमाउन सक्छ । साथै, किड्नी, कलेजो, थाइरोइडजस्ता समस्या छन् भने पनि त्यसको लक्षण स्वरुप शरीरका विभिन्न अंग झमझमाउने हुन सक्छ ।
–त्यसको साथै पोषणको कमीले पनि शरीर झमझमाउने समस्या हुन सक्छ । भिटामिन बी–वान, भिटामिन बी–६, भिटामिन बी–१२, भिटामिन–ई आदिको कमीले यो समस्या हुनसक्छ ।
–नसामा समस्या भएको व्यक्तिहरुमा पनि शरीर झमझमाउने समस्या हुन सक्छ । शरीरको कुनै स्थानको नसा च्यापिएमा पनि झमझमाउने र निदाउने समस्या हुन्छ ।

जोगिने उपाय तथा उपचार

– के कारणले शरीर झमझमाएको हो कारण पत्ता लगाएर कारणअनुसार उपचार गर्ने ।
– डायबिटिज, थाइराइड कन्ट्रोल गर्ने ।
– भिटामिनको कमीले यस्तो समस्या भएको हो भने भिटामिनयुक्त खानेकुरा प्रशस्त मात्रामा खाने ।
– नसालाई क्रियाशील बनाइराख्न नियमित व्यायाम गर्ने ।
– धुम्रपान तथा मद्यपान सेवन नगर्ने ।
– यदि निदाउने र झमझमाउने समस्या बढ्दै गयो भने चिकित्सकको सल्लाह लिने ।

यो पनि पढ्नुहोस्
यी हुन् अल्सर हुनुका कारण, कसरी बच्ने ?
आँखामा देखिने समस्याबाट कसरी बच्ने ?
यी हुन् नियमित घ्युकुमारी प्रयोग गर्नुका फाइदा



Leave a Reply

Your email address will not be published. Required fields are marked *

सम्बन्धित खबरहरु

भनिन्छ,कूटनीतिमा खानपिन तथा पहिरनले धेरै कुराको संकेत गर्छ । कूटनीति यस्तो क्षेत्र हो जहाँ लुगा लगाउने र खाना खाने,बोल्ने शैलीले

आजभन्दा ४२ वर्षअघि हो, कमला श्रेष्ठले व्यवसायमा हात हालेको । जतिबेला महिलाहरु चुलो–चौको र घर–व्यवहारमामात्र सीमित थिए । व्यवसाय त

उदयपुरकी सिता (नाम परिर्वतन) लाई चिनेजानेकाले सामुहिक बलात्कार गरे । ४ छोराछोरीकी आमा समेत रहेकी सिता असार १५ को राति

एमालेको १०औं महाधिवेशन उद्घाटनका लागि चितवनको नारायणी नदी किनारमा मञ्च तयार छ । देशभरबाट नेता कार्यकर्ता चितवनमा उर्लिएका छन् । स्वास्थ्य