स्तरीय समय बिताउने ठाउँ ‘चन्द्रागिरि हिल्स’ (फोटो फिचर)

धेरै पछि काठमाडौँ नजिक तर कोलाहलबाट मुक्त भएर स्तरीय समय बिताउने ठाउँमा दिन भर रिफ्रेसिङ्ग समय बिताउने मौका मिल्यो । अवसर थियो , करिब दुई दशक पश्चात् बेलायतबाट काठमाडौँ आइपुगेका ज्वाइँ अजय सूद, भान्जा जय सूद, साथ साथै बहिनी हनी र छोरा सबस्तलाइ पनि घुमाउने कार्यक्रम ! काकाको सल्लाह बमोजिम सोमबार काठमाडौँबाट करिब ११ किलोमिटर दक्षिण पश्चिम परको चन्द्रागिरि हिल्समा घमाइलो दिन र खुलेको मौसममा गइयो !

यहीबाट गोरखाका तत्कालीन राजा पृथ्वी नारायण शाहले पहिलो पल्ट काठमाडौँ उपत्यका देखेका थिए र काठमाडौँलाई आफ्नो बनाउने अठोट गरेका थिए र त्यसको निमित्त आशीर्वाद मागेका थिए ।

करिब १० मिनटको केबल कार राइडमा दुई हजार पाँच सय दश मिटर अग्लो पहाडमा अवस्थित चन्द्रागिरि हिल्समा सजिलै पुगियो । त्यहाँ सबभन्दा पहिले प्यानोरामिक हिमालयको दृश्यले स्वागत गर्यो र सबैको क्यामेरा र मोबाइल तस्विर लिनेमा व्यस्त हुन थाल्यो । त्यस पछि करिब ४ मिनेट पैदल हिँडेपछि पुगिने भालेश्वर मन्दिरको दर्शन गर्यौ , भनिन्छ कि यहीबाट गोरखाका तत्कालीन राजा पृथ्वी नारायण शाहले पहिलो पल्ट काठमाडौँ उपत्यका देखेका थिए र काठमाडौँलाई आफ्नो बनाउने अठोट गरेका थिए र त्यसको निमित्त आशीर्वाद मागेका थिए ।

त्यहाँको क्याफेमा चिया पिएर छोरा सबस्त र भान्जा जय रोमाञ्चक जिप लाइनमा झुन्डिएर तीव्र गतिमा अर्को स्थान सम्म पुग्ने अनुभव लिन लागे । हामी उनीहरूको तस्विर र भिडिओ खिच्न तिर लाग्यौ । त्यसपछि डेढ किलोमिटर परको रिसोर्टमा लन्च खान गयौँ । रिसोर्टको स्विमिङ पुल छेउमा बसेर हिमालयको प्यानोरामिक दृश्य हेर्दै स्वादिलो नेपाली थाली खानामा रमायौ । रिसोर्टको सौजन्यमा कम्प्लिमेन्टरी मिठो नेपाली चिया पनि पिउन पायौ । अर्को बोनस पनि थपियो धेरै समय पश्चात् भेटिएका आफ्नो सेन्ट जेविअर स्कुलमा पढ्दाको सहपाठी श्याम कार्की र सिनिअर सहपाठी मनोज मानन्धरसँग भेट र भलाकुसारी !

लकडाउनपछि खुल्दै गरेका घरेलु पर्यटन प्रवर्धनको लागि थोरै भए पनि योगदान गर्ने स्तरीय समय बिताउने अवसर पाइयो । सबैलाई त्यहाँ गएर कम खर्चमा राम्रो समय बिताउने अवसरको लागि सिफारिस पनि गर्दछु ।

तस्विरहरु : विकास रौनियार

याे पनि…
कुञ्ज थिएटरमा सुनिल पोखरेलको गच्छामी
विकास रौनियार : बदलिएको तस्बिर
यस्तो थियो लौहपुरुष गणेशमान सिंहको लाइफस्टाइल
फोटोपत्रकार विकास रौनियारले देखेको दसैं