अनलाइनबाट स्याउ किन्दा आइफोन डेलिभरी भएपछि
बेलायतका एक व्यक्तिले अनलाइनबाट स्याउ अर्डर गरे । तर जब डेलिभरी भयो, तब खोलेर हेर्दा बक्समा एप्पलको आइफोन देखियो । ५० वर्षका निक जेम्सले अनलाइन ग्रोसरी वेबसाइटबाट स्याउ अर्डर गरेका थिए ।
त्यसपछि उनी आफ्नो सामान लिन कम्पनीको स्थानीय स्टोरमा गए । उनको सामानका साथमा उनले एक सरप्राइज बक्स पाए । उनले त्यहीँ खोलेर हेरे, जहाँ उनले एक आइफोन पाए ।
यसको जानकारी उनले सामाजिक सञ्जाल ट्वीटरमा दिएका छन् । उनले भने स्याउ मगाउँदा आइफोन आयो ।
