अन्नबाली सुरक्षामा भालुः भालुले लिन्छ दैनिक पाँच सय ज्याला

जङ्गली जनावर र बाँदरहरूले बारम्बार खेतमा उब्जिएको अन्न बालीलाई नष्ट गर्छन् । जसका कारण कृषकहरू निकै त्रसित छन् । यो समस्याबाट छुटकारा पाउन तेलंगानाका एक किसानले निकै सानदार विधि अपनाएका छन् । अहिले यी किसानको आफ्नो खेतमा ‘भालु’ ले सुरक्षा दिन्छ ।

भालुले दिन्छ बालीमा सुरक्षा

तेलंगानाको सिद्धिपेट जिल्लाका किसानहरू बाँदर र जङ्गली सुँगुरको आतंकबाट निकै निराश छन् । यस जिल्लाका किसानको बाली जंगली बँदेल र बाँदरका कारण नष्ट हुँदै आएको थियो । जसका कारण दिनभर खेतमा बसेर पशुपंछीलाई भगाउन सहज नभएकाले किसानलाई सास्ती भएको छ ।

यसबाट छुटकारा पाउन भास्कर रेड्डी नामका किसानले यस्तो अचम्मको उपाय निकालेका हुन् । भास्कर रेड्डीले आफ्नो अन्न बाली जोगाउन भालु राखेका छन् । यति मात्र होइन, किसानले यो ‘भालु’ लाई दैनिक पाँच सय रुपैयाँ पारिश्रमिक पनि दिन्छन् । अहिले उनको खेतको वरिपरि बाँदर र बँदेलहरू आउँदैनन् र किसान शान्तिपूर्वक सुत्छन् ।

यो भालु दिनभर किसानको खेतबारीमा आफ्नो बालीनालीको हेरचाह गर्छ । टाढाबाट भालु देखेपछि बाँदर र बँदेल यसै भाग्छन् । वास्तवमा किसानले भालुको पोसाक लगाएर खेतको रक्षा गर्ने व्यक्तिलाई काममा राखेका हुन् ।

यो पनि…
विश्वभर एलियन जहाजको चर्चा
मृत्युपछि RIP लेखिनुको यस्तो छ कारण