तालिमले बनायो जुम्ली महिलालाई आत्मनिर्भर
जुम्लाको तातोपानी गाउँपालिका-६ का महिला हाते होजियारी तालिमबाट आत्मनिर्भर हुन थालेका छन् । सोही वडाकी तिलनदेवी कामी अहिले होजियारी सीप सिक्नमै व्यस्त हुन्छिन् ।
बिहान र बेलुकी स्वीटर, हाइनेकदेखि अन्य कपडा बुन्नमै समय बिताउने उनी अहिले महिला, पुरुष र बालबालिकाका लागि कपडा बुन्न सक्ने भएकी छिन् ।
गाउँमै गाउँपालिकाले छ महिने सीपमूलक तालिम दिएपछि अहिले काम गर्न सहज भएको तिलनदेवीेले बताइन् । सात कक्षा पढ्दा पढ्दै स्कुल छाडेकी हियाखोलाकै पार्वती कामीले पनि अशिक्षित महिलालाई होजियारीको सीप दिन थालेपछि अहिले विभिन्न कपडा बुन्न थालेकी छिन् ।
हाते होजियारी उद्योगले गर्दा यहाँका महिलाको आयआर्जनमा सहयोग पुग्न थालेको वडाध्यक्ष विशाल खड्काले जानकारी दिए । अहिलेसम्म यहाँका बासिन्दाले सरकारी काम पाउन सकेका छैनन् । यो वडाको सबैभन्दा दुर्गम गाउँ भनेको हियाखोला नै हो ।
उनले भने, ‘अब रोजगारी सिर्जना गर्नका लागि गाउँमै हाते होजियारी उद्योग स्थापान गर्न लागिपरेको छु ।’ यो वडा कार्यालयले बेरोजगारीलाई रोजगारी दिनका लागि विभिन्न विकल्प अवलम्बन गरेको वडाध्यक्ष खड्काले बताए ।
यो पनि
कोरोना संक्रमणदर घटेसँगै बढ्यो धार्मिक पर्यटकको चहलपहल
