पर्यटक निर्वस्त्र घुम्ने अनौठो पार्क

आजकल अधिकांश मानिसहरू बिहान बेलुका पार्कमा खेलकुदका ट्र्याक सुटसहित घुम्न जान्छन् । खास पहिरनमा मात्रै पार्कमा जान पाइने भन्ने पनि कुनै नियम छैन । तर, आज हामी एउटा यस्तो पार्कको बारेमा बताउँदै छौँ जहाँ प्रवेश गर्नुअघि लुगा खोल्नुपर्दछ । यहाँ कुनै पनि महिला वा पुरुषले लुगा लगाएर जान पाउँदैनन् ।

आफ्नो इच्छाअनुसार निर्वस्त्र

सीएनएनको एक रिपोर्टअनुसार यस पार्कमा बिना प्रतिबन्ध नाङ्गै घुम्न सकिन्छ । फ्रान्सको राजधानी पेरिसमा रहेको यो पार्क ‘बोइस डे भिन्सेन्स’ पार्कको एक भागलाई नग्न क्षेत्र बनाइएको हो । नाङ्गै हिँड्न, बस्न रुचाउनेहरूका लागि यो पार्क खोलिएको हो । यहाँ आउने मानिसहरू आफ्नो इच्छाअनुसार निर्वस्त्र भएर घुम्न सक्छन् ।

सुरक्षाको व्यवस्था

यस पार्कको सबैभन्दा महत्वपूर्ण कुरा यहाँ सुरक्षाको पनि व्यवस्था गरिएको छ । यहाँ आउने मानिसहरूलाई कसैले बाधा पुर्याउँदैन । यस पार्कको बारेमा अधिकारीहरू भन्छन्– ‘यो पार्क न्युडिस्ट जोन पार्कको ठूलो रिजर्भनजिक अवस्थित छ र यसको आकार फुटबल मैदानजत्तिकै ठूलो छ ।’

निश्चित समयमा खोलिन्छ यो पार्क

शुरुमा यसलाई प्रयोगात्मक रूपमा मात्र खोलिएको थियो । अहिले यहाँ घुम्न आउनेहरूका लागि निश्चित समय तोकिएको छ ।

यो पनि
ब्रेन डेड मानिसमा सुँगुरको किड्नी प्रत्यारोपण सफल
विश्वकै दुर्लभ कालो हीरा, हुँदैछ लिलाम