‘पब्जी खेलेर समय बिताइरहेकी छु’
निषेधाज्ञाले गर्दा यतिबेला हरेक क्षेत्र प्रभावित छन् । खेल क्षेत्र र खेलाडीहरु पनि यसबाट अछुतो छैनन् । विभिन्न अभ्यास र खेलमा व्यस्त भइरहने खेलाडीहरु यतिबेला घरभित्रै बस्न बाध्य छन् । त्यसो त निषेधाज्ञामा खेलाडीको दिनचर्या कसरी बितिरहेको होला ? यसै विषयमा महिला फुटबलर सावित्रा भण्डारी ‘साम्बा’सँग मेरो लाइफस्टाइलले गरेको कुराकानी :
निषेधाज्ञामा कसरी दिन बिताइरहनु भएको छ ?
अहिले शरीरलाई आराम मिलिरहेको छ । म घाइते पनि छु । त्यसैले खुट्टाको एक्सासाइज गरेर त कहिले पबजी खेलेर दिन बितिरहेको छ ।
कोरोना संक्रमणदेखि कतिको डर लाग्छ ?
देश व्यापीरुपमा भयावह छ । त्यसकारण डर नै लाग्छ । तर, आफूलाई सम्हालेको छु । त्यति धेरै आत्तिएको छैन ।
कोरोनाबाट बच्न लागि कस्तो उपाय अपानउनु भएको छ ?
घरबाट बाहिर निस्केको छैन र स्वास्थ्य मापदण्ड पालना गर्ने गरेको छु । त्यसैले आफूले संयमता अपनाएमा पक्कै पनि कोरोना हाम्रो नजिक आउँदैन ।
कोरोनाबाट बच्न तपाईको सुझाव के छ ?
घरबाट बाहिर ननिस्कौँ, सरकारले जारी गरेको निषेधाज्ञा पूर्ण रुपमा पालना गरौँ । अनावश्यक रुपमा हिडडुल नगरौँ । यदि अत्यावश्यक कामका लागि जानैपरेमा जनस्वास्थ्यका मापदण्डलाई पालना गरौं ।
निषेधाज्ञामा घरमै बसेर खेलाडीहरुले कसरी दिन बिताउन सकिन्छ ?
लकडाउन र निषेधाज्ञा खेलाडीका लागि बाधक नै बनेको छ । अभ्यासको कमीले भोलिको दिनमा खेल खस्किन सक्ने अवस्था हुन सक्छ । जसका लागि घरमै बसेर ‘वर्क आउट’ गर्न सुझाव दिन्छु । यसले खेलाडीको अभ्यासमा ५० प्रतिशत सहयोग गर्छ ।
