कोरोना संक्रमण मुक्त हुनेको संख्या हालसम्मकै उच्च

नेपालमा थप ८ हजार ८ सय ४८ जना कोरोना संक्रमण मुक्त भएका छन् । योसँगै नेपालमा कोरोना संक्रमण मुक्त हुनेको कुल संख्या ३ लाख ८३ हजार ६ सय ८४ पुगेको स्वास्थ्य मन्त्रालयले जनाएको छ । यो संख्या नेपालमा एकैदिन कोरोना संक्रमण मुक्त हुनेको सबैभन्दा धेरै संख्या हो ।

त्यस्तै पछल्लो २४ घण्टामा नेपालमा १ सय २९ जनाको निधन भएको छ । योसँगै कोरोना संक्रमणका कारण नेपालमा निधन भएकाहरुको कुल संख्या ६ हजार १ सय ५३ पुगेको छ । त्यस्तै गत २४ घण्टामा ८ हजार ९ सय ८० जनामा कोरोना संक्रमण पुष्टि भएको छ ।

योसँगै नेपालमा हालसम्म कुलल कोरोना संक्रमितको संख्या ५ लाख ५ हजार ६ सय ४३ पुगेको छ । नेपालको क्वारेन्टाइनमा ८ सय ८६ जना रहेका छन् भने आइसोलेशनमा रहनेको संख्या १ लाख १५ हजार ८ सय ६ रहेको छ ।