नेपालमा ३ लाख ७४ हजार ८ सय ३६ जनाले जिते कोरोना
नेपालमा पछिल्लो २४ घण्टामा थप ७ हजार ८ सय ९० जना कोरोना संक्रमण मुक्त भएका छन् । योसँगै नेपालमा कोरोना संक्रमण मुक्त हुनेको कुल संख्या ३ लाख ७४ हजार ८ सय ३६ रहेको स्वासथ्य तथा जनसंख्या मन्त्रालयले जनाएको छ ।
त्यस्तै पछिल्लो २४ घण्टामा नेपालमा १ सय ७७ जनाको मृत्यु भएको छ । योसँगै नेपालमा कोरोना भाइरसका कारण निधन हुनेको कुल संख्या ६ हजार २४ पुगेको छ ।
त्यस्तै गत २४ घण्टामा ८ हजार ६ सय ७ जनामा कोरोना पुष्टि भएसँगै कुल कोरोना संक्रमितको संख्या नेपालमा ४ लाख ९७ हजार ५२ पुगेको छ । त्यस्तै क्वारेन्टाइनमा ९ सय १२ जना रहेका छन् भने आइसेलेशनमा रहेकाको संख्या १ लाख १६ हजार १ सय ९२ रहेका छन् ।
यो पनि पढ्नुहोस्
‘अब पनि हेलचेक्रयाइँ गरे अर्को महामारीले सताउँछ’
