सानिमा बैंकका ग्राहकहरूलाई नागरिक हस्पिटलमा छुट
सानिमा बैंकले आफ्ना ग्राहकहरूलाई डिजिटल बैंकिङ्गका माध्यमहरू प्रयोग गरी डिजिटल भुक्तानीको प्रोत्साहन गर्न भक्तपुरस्थित नागरिक कम्युनिटी टिचिङ हस्पिटलसँग सम्झौता गरेको छ ।
उक्त व्यवस्था अन्तर्गत सानिमाको भिसा डेबिट–क्रेडिट कार्ड र सानिमा मोबाइल बैंकिङ्ग एप प्रयोगकर्ताहरूले डिजिटल भुक्तानी गर्दा विशेष छुट पाउने भएको छ ।
सानिमा बैंकका ग्राहकहरूले औषधी र अपरेसन सम्बन्धी शुल्कहरूमा १० प्रतिशत र फिजियोथेरापी, दन्त, भेन्टिलेटर, ल्याब टेस्ट, एक्स–रे, इसीजी, युयसजी, इको, आँखा र बेड शुल्कहरूमा १५ प्रतिशत छुट प्राप्त गर्न सक्नेछन् ।
यसैगरी बैंकले ग्राहकहरूलाई विभिन्न छुट तथा अफरहरू प्रदान गरी डिजिटल भुक्तानीको अधिकतम प्रयोग गर्न प्रोत्साहन गर्दै आएको छ ।
सानिमा बैंकको देशको सातै प्रदेशमा १३२ वटा कार्यालय तथा १२२ वटा एटिएम सञ्चालनमा रहेका छन् ।
यो पनि…
नयाँ वर्षका लागि सानिमा बैंक र दराजबीच सहकार्य
‘सानिमा नारी बचत खाता’मा विशेष योजना
