बेसारको फेस प्याकले ल्याउँछ अनुहारमा तुरुन्तै चमक

बेसार स्वास्थ्यका साथै छालाको लागि पनि निकै लाभदायक हुन्छ । अनुहारको सुन्दरता बढाउन बेसारको प्रयोग गर्न सकिन्छ । यसले छालाको धेरै समस्या हटाउन मद्दत गर्छ। यदि तपाई दुलही बन्न लाग्नु भएको छ भने बिहेको केही दिन अगाडि नै अनुहारमा बेसारको फेसप्याक लगाउन सुरु गर्नुहोस् । यसबाट तपाई चम्किलो छाला पाउन सक्नुहुन्छ।

दही र बेसार

दहीले प्राकृतिक क्लिन्जरको रूपमा काम गर्छ। यसले छालाको मृत कोशिकाहरू हटाउन मद्दत गर्छ। यसलाई बनाउनको लागि एक चम्चा दही लिनुहोस् र यसमा बेसारको धुलो हालेर पेस्ट बनाउनुहोस्। त्यसपछि अनुहारमा मालिस गर्नुहोस्, १५ मिनेटपछि पानीले धुनुहोस्।

बेसन र बेसार प्याक

यसका लागि दुई चम्चा बेसनमा एक चम्चा बेसार मिसाउनुहोस्। अब काँचो दूध वा गुलाबजलको मद्दतले पेस्ट बनाउनुहोस्। यो पेस्ट अनुहारमा राम्रोसँग लगाउनुहोस्, १०–१५ मिनेटपछि पानीले धुनुहोस्। तपाईं यो प्रक्रिया दैनिक गर्न सक्नुहुन्छ। यसले छालामा चमक ल्याउँछ।

दूध र बेसार

यसका लागि २ चम्चा काँचो दूध लिनुहोस्, यसमा १ चम्चा बेसारको धुलो हाल्नुहोस्। अब यो पेस्ट अनुहारमा लगाउनुहोस्। १० मिनेटपछि पानीले अनुहार धुनुहोस् । तपाईं यो प्रक्रिया दैनिक गर्न सक्नुहुन्छ।

चामल र बेसार

यसलाई बनाउनको लागि, पहिले चामल पिस्नुहोस्। चामलको पिठोमा बेसारको धुलो हाल्नुहोस्। काँचो दूधको मद्दतले यसको पेस्ट बनाउनुहोस्, अनुहारमा लगाउनुहोस् र १५ मिनेटपछि पानीले धुनुहोस्।

यो पनि…
कपाल झर्न रोक्ने पाँच प्राकृतिक उपाय जसले नयाँ कपाल उमार्न पनि सहयोग गर्छ
मोटोपना घटाउन के खाने के नखाने ?