सोचे जस्तो चल्न सकेन् भैरहवा विमानस्थल

पर्यटक नआएर लगानी डुब्ने देखेर आत्तिएको नीजि क्षेत्र अन्तर्राष्ट्रिय विमानस्थल पूर्णरुपमा सञ्चालनमा ल्याउन आग्रह


भैरहवा विमानस्थल संचालनमा आएसँगै भैरहवा क्षेत्रमा निजी क्षेत्रले लगानी गरेका छन् । अन्तर्राष्ट्रिय विमानस्थलपछि पर्यटक आवागमन बढ्ने र यसबाट व्यवसाय फस्टाउने अपेक्षाले निजी क्षेत्रको लगानी भयो ।

विमानस्थल निर्माण सकियो, सञ्चालनमा पनि आयो । तर व्यवसायी अझैं खुसी छैनन् । सातामा तीन उडान मात्रै अन्तर्राष्ट्रियस्तरको छ । ती विमानमा आउने जाने पनि नेपाली मात्रै छन् । यसले पर्यटन व्यवसायमा त्यति फरक पारेकै छैन् । अर्बौं लगानीमा पर्यटक सेवाका लागि खोलिएका तारे होटल सुनसान छन् । अन्य साना होटलको अवस्था नाजुक छ ।

निराश व्यवसायीले संस्कृति, पर्यटन तथा नागरिक उड्डययनमन्त्री जीवनराम श्रेष्ठललाई गौतमबुद्ध अन्तर्राष्ट्रिय विमानस्थल पूर्णरुपमा सञ्चालनमा ल्याउन आग्रह गरेका छन् । ‘यो विमानस्थलमा अन्तर्राष्ट्रिय उडानहरु थपिनुपर्छ, व्यवसायीको माग छ ।’

मन्त्री भएपछि लुम्बिनी आएका मन्त्रीलाई भेट्दै भैैरहवाका उद्योगी व्यवसायीहरुले विमानस्थलको एजेण्डालाई पहिलो प्राथमिकतामा राख्न आग्रह गरे ।

मन्त्री श्रेष्ठले दुई महिना अघिदेखि सञ्चालनमा आएको गौतमबुद्ध विमानस्थलको टर्मिनल भवन अपुग रहेको र पूर्णक्षमतामा विमानस्थल सञ्चालनमा आए थेग्न सक्ने अवस्था नरहेको भन्दै अर्काे टर्मिनल भवन निर्माण सरकारको प्राथमिकतामा रहेको बताए ।

लुम्बिनीलाई एउटा गन्तब्य बनाएर धेरैभन्दा धेरै पर्यटक भित्र्याउने उद्देश्य यस विमानस्थलको हो र सरकार यसबारे गम्भीर पनि छ ।

उनले पर्यटन व्यवसायीहरुको धेरै समस्या आफ्नो ७३ बुँदे कार्ययोजनामा समेटेको भए पनि छुटेका कुराहरुको सम्बोधन पनि हुने बताए । उनले नेपाल एयरलाइन्स र अर्को हिमालयन एयरलाइन्सबाट पनि भैरहवाबाट उडान थाल्नेबारे कुरा अगाडि बढेको बताउँदै विमानस्थल पूर्णक्षमतामा चलाउन, नियुक्त भए राजदुतहरुलाई पर्यटन प्रवद्र्धनमा भूमिका खेल्न, पर्यटन व्यवसायीको ऋणमा सहुलियत र व्याजदरको विषयमा राष्ट्र बैंकसँग छलफल गरी निजी क्षेत्रलाई अधिकतम प्रयोग गरी पर्यटन प्रवद्र्धन गर्न मन्त्रालयले योजना बनाएको बताए ।

सञ्चालनमा आएको विमानस्थलमा थप विमानलाई आकर्षण गर्न छुटको व्यवस्थापनदेखि लिएर ट्रान्जिट भिसाका लागि पनि मन्त्रालय सचेत छ । मन्त्री श्रेष्ठले भने –‘लुम्बिनीलाई एउटा गन्तब्य बनाएर धेरैभन्दा धेरै पर्यटक भित्र्याउने उद्देश्य यस विमानस्थलको हो र सरकार यसबारे गम्भीर पनि छ ।’

उद्योगी व्यवसायीले नेपालको राष्ट्रिय ध्वजाबाहक नेपाल एयरलाइन्सको विमानबाट दिल्ली र दुबईको उडान न्यूनतम शुल्कमा सञ्चालन गरे भैरहवामा कार्यरत कर्मचारीहरुलाई मर्का पनि नपर्ने र आर्थिक गतिविधि पनि हुने भनी ध्यानाकर्षण गराएकोमा मन्त्री श्रेष्ठले यस विषयमा उद्योगी व्यवसायीहरुको चाहनाअनुसारको काम हुनेमा विश्वस्त पारे ।

सिद्धार्थ उद्योग वाणिज्य संघका अध्यक्ष भीष्मप्रसाद न्यौपानेले रुपन्देहीको पर्यटन प्रवद्र्धन तथा विकासका लागि पर्यटकहरुको सेवा सुविधालाई मध्येनजर गरी भैरहवा–लुम्बिनी मोनी रेल सञ्चालनको लागि आवश्क पहल तथा बजेट विनियोजन गरिनुपर्ने, पर्यटन उद्योगसँग सम्बन्धित उद्योग तथा व्यवसायको सहजता एवं प्रवद्र्धनको लागि अनलाइन गेटवे पेमेन्ट प्रणली लागू गराउनु पर्ने, स्थल मार्ग भएर सबैभन्दा बढी पर्यटक आउने भैरहवास्थित बेलहिया नाकामा व्यवस्थित र आधुनिक अध्यागमन कार्यालय, पर्यटकहरुलाई व्यवस्थित सूचना केन्द्र र एकद्वार प्रणालीको व्यवस्था गरिनुपर्ने, भारतीय पर्यटकको सवारी साधनको लागि रोड परमिट सेवा भन्सार विन्दुबाट नै दिनु पर्ने, लुम्बिनीमा रहेको गुम्बाहरुले सञ्चालन गरेका लज सेवाको कारण नियमानुसार दर्ता भई सञ्चालन भएका होटल व्यवसायहरू प्रभावित भएकोले बन्द गरिनु पर्ने, भारतीय समकक्षीसँग समन्वय गरी गोरखपुर एयररुटको लागि पहल गरिनुपर्नेलगायतका माग गरेको बताए ।

अध्यक्ष न्यौपानेले विमानस्थललाई लक्षित गरेर भैरहवा, लुम्बिनीलगायत लुम्बिनी प्रदेशमै पर्यटन क्षेत्रमा निजी क्षेत्रको ठूलो लगानी रहेकाले गौतमबुद्ध अन्तर्राष्ट्रिय विमानस्थल, भैरहवा हुँदै नेपाली ध्वजावाहक नेपाल एयरलाइन्स तथा हिमालयन एयरलाइन्सबाट दिल्ली, थाईल्याण्ड, मलेशिया, कतार, दुबईका लागि नियमित अन्तर्राष्ट्रिय उडानका र छिमेकी राष्ट्रहरुका समकक्षीसँग समन्वय गरी चीन, भारत, थाइल्याण्ड, म्यानमार, भुटान, श्रीलंकालगायतका बुद्ध धर्म मान्नेहरुको बाहुल्य रहेको राष्ट्रहरुका एयरलाइन्सहरुलाई गौतमबुद्ध अन्तर्राष्ट्रिय विमानस्थल भैरहवासम्म नियमित उडानका लागि पहल गर्न जोडदार माग गरे ।

सिद्धार्थ होटल एशोसिएशनका अध्यक्ष तथा होटेल व्यवसायी चन्द्रप्रकाश श्रेष्ठले दिल्लीबाट नेपाल आउने पर्यटक धेरै हुने भएकाले तत्कालै भैरहवा–दिल्लीबीच हवाइ उडान सञ्चालनका लागि सरकारले तत्परता देखाउनु पर्ने माग गरे ।

नेपाल ट्राभल्स एण्ड टुर एशोसिएसन लुम्बिनी प्रदेशका संयोजक सागर अधिकारीले २५–३० जना कर्मचारी नेपाल एयरलाइन्सको भैरहवामा रहेकोले तत्काल एउटा उडान मात्रै दिल्ली–भैरहवा जोडे प्लेन खाली नउड्ने दाबी गरे ।

संघका पर्यटन संयोजक संजय बजिमयले धर्मिक पर्यटक भित्र्याउने लक्ष्यले विमानस्थल बनाएकोले पर्यटक तान्ने प्याकेज बनाएर निजी क्षेत्रसँग सहकार्य गरिनु पर्ने, क्षेत्रीय उडान सञ्चालन गर्नु पर्ने बताए ।

यो पनि…
अन्तर्राष्ट्रिय वायुसेवाको चासो गौतमबुद्ध विमानस्थलमा
अन्तर्राष्ट्रिय वायुसेवाको चासो गौतमबुद्ध विमानस्थलमा



Leave a Reply

Your email address will not be published.

सम्बन्धित खबरहरु

बुधबार सुनको मूल्य प्रतितोला एक लाख ६ हजार तीन सय रूपैयाँ पुगेको छ। मंगलबारको तुलनामा यो प्रतितोला पाँच सय रूपैयाँले

नेपाल राष्ट्र बैंकले बुधबारको विनिमय दर सार्वजनिक गरेको छ। सार्वजनिक विनिमयदरअनुसार बुधबार अमेरिकी डलरको भाउ बढ्दा अन्य मुद्राको भाउ घटेको

लागातार चौथो दिन पनि सेयर बजार परिसूचक नेप्से घटेको छ। मंगलबार नेप्से परिसूचक १५.७४ अंकले घटेर बजार बन्द हुँदा २,१११

हङकङमा तुलसीकुमार गुरुङद्वारा लिखित र वि विल राइज फाउन्डेसनद्वारा प्रकाशित आत्मकथा ‘तुलसी’को लोकार्पण गरिएको छ। गुरुङ वि विल राइज फाउन्डेसन,

Suggested