कुखुराले आफ्नै मालिकको ज्यान लियो
भारतको तेलंगानामा एक कुखुराले आफ्नै मालिकको हत्या गरेको आरोप लागेको छ ।
पुलिसले हत्याको आरोपमा कुखुरालाई समातेको छ । भारतको तेलंगानाको जगतियाल जिल्लाको लथुनुर गाउँको यो घटनाले सबैलाई अचम्मित बनाएको छ । २२ फेब्रुअरीबाट त्यहाँ कुखुराहरुको फाइटको तयारी भइरहेको थियो । त्यहि बेला कुखुराले आफ्नो खुट्टामा बाँधेको चक्कूले मालिकमाथि प्रहार गरेको र मालिक घाइते भएर अस्पतालमा भर्ना गरेपछि मृत्यु भएको बताइएको छ ।
समाचार अनुसार ४५ वर्षीय थानुगुल्ला सतीशको कुखुराको आक्रमणका कारण निधन भएको हो । अब पुलिसले कुखुरालाई अदालतमा पेश गर्न लागेको बताइएको छ ।
