आँखा सुख्खा हुने, लामो थकान, छाला तथा केशमा समस्या छ? नियमित AC मा त बस्नुहुन्न?

यस्तो छ समाधानका उपायहरु


गर्मीबाट राहत पाउन अचेल एसी (एयर कन्डिसनर) को प्रयोग बढ्न थालेको छ । अफिसहरूमा बढी प्रयोगमा आउने एसी अहिले घर–घरमा पनि प्रयोग हुन थालेको छ । अफिसमा लामो समय काम गर्दा एसीको प्रयोग पनि उत्तिकै समय हुने गर्छ । एसीको हावामा लामो समयसम्म निरन्तर रहदाँ शरीरमा विभिन्न किसिमका समस्याहरू देखा पर्ने गर्छ ।

साइनस एलर्जी

लामो समयसम्म एसीको हावामा बस्दा साइनसको जोखिम बढ्छ । एसीको चिसो हावाले म्युकस ग्रन्थिलाई कठोर बनाइदिन्छ र हाछ्यूँ आउने तथा पिनास हुने समस्या बढ्छ । निरन्तर चार घण्टाभन्दा बढी एसीमा बस्दा टाउको दुख्ने समस्या पनि देखिन्छ ।

भाइरल इन्फेक्सन

एसीको हावामा लामो समय बस्दा भाइरल इन्फेक्सनको खतरा हुन्छ । यसले रुघा–खोकीसमेत निम्त्याउँछ । विद्युत्वाट चल्ने हुनाले एसीको केही भाग तातोपनि हुन्छ । त्यस्तो ठाउँमा लामखुट्टे लुकेर बस्छन् । अफिसमा धेरै व्यक्ति एकै कोठामा काम गर्ने हुनाले लामखुट्टेमार्फत खतरनाक रोग फैलन पनि सक्छ ।

आँखा सुख्खा हुने

निरन्तर एसीको हावामा बस्दा आँखामा सुख्खापन आउछ । आखाँ सुख्खा हुँदै गएपछि पीडा महसुस हुनुकासाथै आँखा रातो हुने, पोल्ने र धेरै आँसु निस्किएर आखाँ सुख्खा हुन्छ, यसले भविष्यमा आँखालाई कमजोर समेत बनाउँछ । एसीको सीधा तल बसेको छ वा एसी आफूभन्दा अगाडि छ भने आँखाको जोखिम अझ बढ्ने गर्छ ।

लामो थकान

कम तापक्रम भएको एसीनजिक निरन्तर बस्दा शरीरमा तापक्रम मेन्टेन गर्न समस्या हुन्छ । निकै पछि मात्र शरीरको तापक्रम ठीक ठाउँमा आउँछ, जसका कारण थकान महसुस हुन्छ ।

छाला र केशमा असर

दुई घण्टाभन्दा बढी समय निरन्तर एसीमा बस्दा छालामा असर पर्छ । एसीको चिसो हावाले छालाको चिल्लोपन सोसेर त्यसलाई सुख्खा बनाइदिन्छ । एसीले कपाल पनि सुख्खा बनाइदिन्छ । त्यसैले सकेसम्म एसीको हावाबाट टाढै रहेको राम्रो हुन्छ ।

जोर्नीमा पीडा

एसीबाट निस्किने चिसो हावाले शरीरको जोर्नी दुख्छ । गर्दन, हात र घुँडामा लामो समयसम्म चिसो हावाले हान्दा पीडा हुन्छ । यस्तो पीडा लामो समयसम्म कायम रहे ठूलै रोग निम्तिने खतरा पनि रहन्छ ।



प्रतिक्रिया दिनुहोस !
सम्बन्धित खबरहरु

माहामारीको रुपमा फैलिएको कोरोना भाइरस नियन्त्रणका लागि विश्वभर खोप अभियान चलिरहेको छ । नेपालमा पनि कोरोनाको पहिलो र दोश्रो डोज

दोस्रो लहरको कोरोना संक्रमणका कारणले निषेधाज्ञा जारी छ । मान्छेहरु घरमै दिन बिताइ रहेका छन् । यस्तो अवस्थामा असहज महसुस,

यतिबेला नेपालमा कोरोना भाइरसको संक्रमण तीव्र गतिमा बढीरहेको छ । योसँगै कोरोना संक्रमितले के गर्न हुन्छ के गर्न हुँदैन भन्ने

कोरोनाबाट निको भएको ६ हप्तापछि पनि केही मानिसमा थकाई लाग्ने, खोकी लाग्ने, टाउको दुख्ने र गन्ध नआउने, ज्वरो आउने जस्ता