सेयर बजारमा ३१ अंकको गिरावट
आज पनि सेयर बजारमा गिरावट आएको छ । नेप्से सूचक ३१.७६ अंकले घटेर २२७५.६८ विन्दु पुगेको छ ।
नेप्से परिसूचकसँगै ‘क’ वर्गका कम्पनीहरुको कारोबार मापन गर्ने सेन्सेटिभ इन्डेक्स पनि ४ दशमलव ९० अंकले घटेको छ । नेप्से परिसूचक लगातार घट्दा कारोबार रकम पनि सुस्ताएको छ । कारोबार रकम १ अर्ब २६ करोडमा रोकिएको छ ।
दिनभर भएका २७ हजार ५ सय ६६ कारोबारबाट २३३ कम्पनीका ३६ लाख २ हजार ८ सय ४८ कित्ता सेयर किनबेच भएका छन् । जसबाट कारोबार रकम १ अर्ब २६ करोड ९२ लाख १९ हजार ४२१ रुपैयाँको कारोबार भएको छ ।
यो पनि…
विलासिता वस्तु आयातमा रोक लगाउँदा के असर पर्छ ?
नेपालमा आठ महिनामा तीन करोडको सियो आयात !
