नेल आर्टले बढाउँछ सौन्दर्य

मानिसको सौन्दर्यका लागि नङले पनि ठुलो भूमिका खेलेको हुन्छ । युवकहरूको तुलनामा युवतिहरू नङका सौखिन हुन्छन् । तपाई पनि स्टाइलिस् देखिन चाहनुहुन्छ भने यी उपायहरू अपनाउन सक्नुहुन्छ ।

जेल नेल आर्ट

जेल नेल आर्टद्वारा नङलाई विभिन्न रङ्गले रङ्गाएर विविध आकृति निकाल्न सकिन्छ । यसलाई पनि फ्रेन्स, कलर फुल, पेपर आर्ट, वाटर प्रुफ मार्बल, डट सेप, एल सेप, स्टाम प्रिन्ट, क्य्राक सेप आदि स्टाइल दिएर नङमा फरकपन ल्याउन सकिन्छ ।

थ्रडी

यसमा नङलाई विभिन्न आकार दिएर नङमा फूल राखिन्छ । ब्रस र पाउडरको सहयोगमा फूलहरू राखिन्छ । यस्तो फूल महिना दिनसम्म टिक्ने हुन्छ । यसमा औँला वा नङको सेप हेरेर त्यसैसँग सुहाउँदो फूल वा बुट्टा बनाएर नङ सजाइन्छ ।

जेल नेल एक्सटेन्सन

नङलाई विभिन्न आकार दिन जेल नेल एक्सटेन्सन गर्ने चलन छ । यसमा नङलाई विभिन्न आकार दिने वा लामो बनाउने काम गरिन्छ । एक्सटेन्सन गरेपछि त्यसलाई विभिन्न आकृतिमा रङ्गाउन सकिन्छ । यसरी नङलाई सुहाउँदो आकार दिएर रंग्याउने विधिलाई जेल नेल एक्सटेन्सन भनिन्छ ।

यो पनि…
जिन्सको साथमा लगाउनुहोस् यी स्टाइलिस टप
पुरुषका लागि ह्याडसम टिप्स