कोठामा रङ लगाउँदा यी कुरामा ध्यान दिनुहोस्

घर आफैँमा सानो संसार हो । मनोवैज्ञानिकहरू रङको संयोजनलाई महत्त्वका साथ हेर्ने गर्छन् । किनकि घरसँग मानिसको मनोविज्ञान पनि जोडिएको हुन्छ । घरभित्र र बाहिरको वातावरणले व्यक्तिको मानसिकतामा पनि प्रभाव पारिरहेको हुन्छ ।

हरेक सामान राख्दा रङको संयोजन कसरी गर्ने भन्ने कुरा झनै महत्त्वपूर्ण हुन्छ । घरभित्रको डिजाइन गर्दा कलर मिलाउन सकिएन भने घर भद्दा देखिन्छ । आकर्षक देखाउनका लागि भित्ताको कलर, फर्निचर, कार्पेट, पर्दा र अन्य सामानसँग मिल्नेखालको हुनुपर्छ ।

भान्सा कोठा

कोठाको बनावटअनुसार कलर गरेर भान्सालाई आकर्षक बनाउन सकिन्छ । भान्सामा सुन्तला र पहेँलो कलर राख्न सकिन्छ । तर, भान्सामा प्रयोग गरिने रङ गाढा हुनु आवश्यक छ ।

बेडरुम

बेडरुम को कलरले व्यक्तिको मनोविज्ञानमा असर पार्छ । यसमा हलुका नीलो, गुलाबी, पहेँलो कलर संयोजन गर्न सकिन्छ ।

बैठक कोठा

बैठककोठा खुला, उज्यालो र सहज लाग्ने हुनुपर्छ, यसका लागि भित्ताको कलर चम्किलो भएमा सोफा, टेबुल र दराज आदिको कलर हलुका राख्न सकिन्छ । तर, धेरै चम्किलो रङ पनि असहज लाग्ने खालको हुन्छ । तसर्थ बैठक कोठामा भित्ताको कलर अति चम्किलो राख्नुहुँदैन ।

यो पनि…
घरमा रोप्नुहोस् यी औषधीय गुण भएका बिरूवाहरू
घरभित्र पूजा कोठा बनाउँदा हुन्छ सधैँ फलिफाप